श्रमसचिवको शुभलाभ खेती !

काठमाडौं । नोकरशाहहरूले राजनीतिज्ञलाई समेत बेवकुफ बनाएर कसरी आफ्नो अधिकार कानूनी रुपले सुरक्षित गर्छन् र यही हैसियतको दुरुपयोग गरी नियुक्ति तथा बढुवामा एकै पटक लाखौं आर्थिक लाभ कसरी हासिल गर्छन् भनी जान्नुप¥यो भने श्रम मन्त्रालयका सचिव लक्ष्मण मैनालीलाई हेर्दा हुन्छ । श्रमका लागि विदेशिने नेपालीहरूका सहजताका लागि विदेशस्थित राजदूतावासमा वा कतिपय मुलुकमा श्रम काउन्सलर र श्रम सहचारी राख्ने व्यवस्था गरिएको छ । श्रम काउन्सलर र श्रम सहचारीको आवश्यकता महसुस भएपछि यसको नियुक्तिका लागि मापदण्ड बनाइयो । सो मापदण्डमा प्रष्ट रुपले नियुक्तिका लागि उम्मेदवारलाई प्रदान गरिएको नम्बरका आधारमा धेरै नम्बर प्राप्तलाई खटाइने व्यवस्था गरिएको छ ।
श्रम सहचारी निर्देशिकामा छनौट समितिका पदाधिकारीमध्ये सचिवले २ नम्बरसम्म दिन सक्ने व्यवस्था यसअघि गरिएको थियो । तर प्रचण्डको प्रधानमन्त्रीत्वमा तुलनात्मक रुपमा सोझा मानिएका सूर्यमान गुरु¨ श्रम मन्त्री रहेका बेलामा यसअघिको प्रावधानलाई सचिव मैनालीले सुटुक्क परिवर्तन गरी सदर गराए । उनले श्रम सहचारी निर्देशिकामा पहिलेदेखि नै रहेको प्रावधानलाई उल्ट्याईदिए । अस्थिर सरकार भइरहने हाम्रो देशमा केही महिनाकै अन्तरालमा सरकार ढल्छन् र मन्त्री पनि परिवर्तन भइरहन्छन् । यसैको फाइदा उठाएर सचिव मैनालीले यसअघिको प्रावधान उल्टाएर श्रम काउन्सलर र श्रम सहचारी नियुक्तिमा सचिवको मात्र एकाधिकार चल्ने अवस्था बनाएका हुन् । उनले उल्लेखित पदमा नियुक्तिका लागि दिइने नम्बरमा सचिव एक्लैले ५ नम्बर दिनसक्ने निर्देशिका बनाइ मन्त्रीलाई झुक्याएर हस्ताक्षर गराएका आरोप मन्त्रालयकै सहसचिवले लगाउ“दै आएका छन् ।
अहिले दक्षिण कोरिया र मलेसियामा उपसचिव तहलाई पठाइने श्रम काउन्सलर र दुबई, साउदी अरेबिया, ओमान र कुबेतमा शाखा अधिकृतलाई पठाइने श्रम सहचारीको पद रिक्त रहेको छ । यी ६ वटै पदमा नियुक्तिमा ५ नम्बर एक्लै सचिवले दिनसक्ने भएपछि आकर्षक तलब भत्ता हुने ती पदहरूमा जान चाहने कर्मचारीले अरुको चाकडी गर्नै नपर्ने भयो ।
यसको फाइदा उठाएर अहिले सचिवले उनका सहोदर भाइमार्फत श्रम काउन्सलरका लागि १० लाखसम्म र श्रम सहचारीका लागि ५ लाखसम्म दिनुपर्ने प्रस्ताव अघि सारेका आरोप लागेको छ । भनेजति रकम दिन नसकेपनि सचिवलाई रिझाएर कोरियामा उपसचिव डिल्लिराम बास्तोला जाने करीब पक्का भइसकेको मन्त्रालय स्रोतले सा“घुलाई बताएको छ । मलेसिया पठाउनका लागि भने उम्मेदवारहरूसंग छुट्टाछुट्टै सचिवले खुशामद गरिरहेको चर्चा छ । दुबइमा भने शाखाअधिकृतद्वय मोतिराम भुसाल र कृष्णकुमारी गौलीमध्ये कसले सचिवलाई रिझाउन सक्ने हुन् यसै भन्न सक्ने अवस्था छैन ।
सचिव मैनालीलाई रिझाउन सक्ने कर्मचारी मात्र श्रम काउन्सलर र सहचारीमा जानसक्ने अवस्था रहेको भएपनि धेरै उम्मेदवारबीच बोलकबोल गरी पठाउने तयारीमा रहेका सचिव मैनालीले लाभको प्रतिस्पर्धामा पछि पर्ने कर्मचारीलाई माथिको दबावका कारण तिमीलाई पठाउन नसक्ने अवस्था भनी जिल्याउने गरेका छन् । वरिष्ठ र अंग्रेजी भाषा तथा जनसम्पर्कमा पनि दक्ष कूटनीति समेत बुझेका उपसचिव र शाखा अधिकृतलाई पाखा लगाएर मैनालीले कनिष्ठ र कम क्षमता भएका भएपनि शुभलाभ टक्र्याउने कर्मचारीलाई मात्र पठाउने तयारी गरेको पनि स्रोतले बताएको छ ।-साँघुबाट

+ posts

सम्वन्धित समाचार

गरिब मुलुकहरू भ्याक्सिनको चपेटामा

एजेन्सी । गरिब मुलुकहरू भ्याक्सिनको चपेटामा पर्न थालेको समाचारहरू निस्किएसँगै गरीब राष्ट्रहरुमा कोरोना विरुद्धको खोपको चरम अभाव देखिएको विश्व स्वास्थ्य संगठन...

जोखिम ज्यादा तयारी न्यून

काठमाडौं । यो वर्ष मनसुनको सुरुवातमै सिन्धुपाल्चोकमा बाढीले ठूलो क्षति पारेपछि अन्य ठाउँमा पनि ठूलो क्षति हुनसक्ने आँकलन गरिएको छ। असारको सुरुवातमै...

ताजा समाचार

गरिब मुलुकहरू भ्याक्सिनको चपेटामा

एजेन्सी । गरिब मुलुकहरू भ्याक्सिनको चपेटामा पर्न थालेको समाचारहरू निस्किएसँगै गरीब राष्ट्रहरुमा कोरोना विरुद्धको खोपको चरम अभाव देखिएको विश्व स्वास्थ्य संगठन...

जोखिम ज्यादा तयारी न्यून

काठमाडौं । यो वर्ष मनसुनको सुरुवातमै सिन्धुपाल्चोकमा बाढीले ठूलो क्षति पारेपछि अन्य ठाउँमा पनि ठूलो क्षति हुनसक्ने आँकलन गरिएको छ। असारको सुरुवातमै...

महन्थ ठाकुर पक्षले १५ दिनभित्र पार्टीको आधिकारिकता पुष्टि गर्ला ?

काठमाडौं । निर्वाचन आयोगले जनता समाजवादी पार्टी जसपाका अध्यक्ष महन्थ ठाकुर पक्षलाई १५ दिनभित्र आधिकारिकता पुष्टि गर्ने आधार तथा प्रमाण पेस गर्न भन्दै...

एकता नहुने सम्भावना

एमाले अध्यक्ष एवं प्रधानमन्त्री केपी शर्मा ओली नै पार्टी एकतामा बाधक देखिएका छन्। एमालेलाई २०७५ जेठ २ को अवस्थामा फर्काउने सर्वाेच्च अदालतको...

कांग्रेसमा महाधिवेशनको गर्मी

काठमाडौं । नेपाली कांग्रेसभित्र १४औं महाधिवेशनको सरगर्मी सुरु भएको छ । महाधिवेशनको मिति अनुमोदन भएपछि नेताहरूले भेटघाट र दौडधुपलाई तीव्रता दिएका छन्...