नेपाल चीनको समृद्धिबाट लाभान्वित हुन सकोस्– चिनियाँ राजदूत

काठमाडौँ, १ मंसिर। नेपालका लागि चिनियाँ राजदूत यु होङले चीनको विकास र समृद्धिबाट नेपालले फाइदा लिन सक्नुपर्ने बताउनुभएको छ । चीनको बृहत् आयोजना ‘वन बेल्ट वन रोड’ (ओबिओआर) अवधारणामा नेपाल पनि सहभागी भइसकेकाले आगामी दिनमा यसबाट लाभान्वित हुन नेपालले व्यापार, लगानी तथा सम्पर्क सञ्जाललगायत अरु पनि क्षेत्रमार्फत लाभान्वित हुनुपर्नेमा धारणा उहाँले राख्नुभयो ।
‘चिनियाँ कम्युनिष्ट पार्टीको १९ औँ काँग्रेस र चीन नेपाल सम्बन्ध’ विषयमा नेपालस्थित चिनियाँ दूतावासले  आयोजना गरेको पत्रकार भेटघाटमा उहाँले नेपाललाई चीनले समान व्यवहार, पारस्परिक सहयोग र साझा विकासका अवधारणाका साथ सहयोग गर्दै आएको जानकारी दिनुभयो । 
नेपाल पनि चीनको ओबिओआर आयोजनामा संलग्न हुनु, पछिल्लो समयमा नेपाल र चिनियाँ पक्षबाट उच्चस्तरीय भ्रमण आदानप्रदान हुनु, लगानी तथा नेपालमा रेलमार्ग निर्माणसम्बन्धी आयोजनाको सम्भाव्यताको अध्ययन हुनु, चीनमा पढ्न जाने विद्यार्थीको संख्या र नेपालमा आउने चिनियाँ पर्यटकको संख्यामा वृद्धि हुनुजस्ता कैयौँ अरु पनि कारणले चीन नेपाल सम्बन्ध पछिल्लो समय थप सुदृढ र सुमधुर हुँदै गएको उहाँले बताउनुभयो ।
राजदूत युले तातोपानी नाका तथा अरनिको राजमार्गको सहज सञ्चालन दुई देशको व्यापार प्रवद्र्धन र सम्बन्धको विकासमा पनि महत्वपूर्ण पक्ष भएकाले यसका लागि चिनियाँ पक्षले काम गरिरहेको जानकारी दिनुभयो ।
चिनियाँ कम्युनिष्ट पार्टीको १९ औँ काँग्रेसपछि चीन आर्थिक, सामाजिक, सांस्कृतिक एवं अन्य विभिन्न हिसाबले नयाँ युगमा प्रवेश गरेको बताउँदै उहाँले यसबाट चीनको वैदेशिक सम्बन्धमा पनि नयाँ आयाम थपिने जानकारी दिनुभयो । “समृद्ध र विकसित नेपालको पक्षमा रहेको चीनले नेपालको विकास साझेदारका रुपमा आगामी दिनमा पनि सहयोगलाई निरन्तरता दिने छ, समान व्यवहार र पारस्पारिक सहयोगका आधारमा आगामी दिनमा दुई देशको सम्बन्ध थप सुदृढ हुनेछ, उहाँले भन्नुभयो । चिनियाँ राजदूतले एक चीन नीतिका रुपमा नेपालले निर्वाह गर्दै आएको भूमिकाको सराहना गर्नुभयो ।
गएको पाँच वर्षयता चीनको आर्थिक विकास, स्वास्थ्य, शिक्षा, गरिबी निवारण, सामाजिक सुरक्षा, पूर्वाधारको निर्माण र विकासजस्ता कैयौँ क्षेत्रको उल्लेखनीय रुपमा विकास भएको तथ्यांक पनि उहाँले प्रस्तुत गर्नुभयो ।
चिनियाँ राष्ट्रपति सि चीन फिङको पहिलो कार्यकालमा अर्थात् गएको पाँच वर्षमा चीनको कुुल गार्हस्थ्य उत्पादनमा वृद्धि भएको, चिनियाँको जीवनस्तरमा वृद्धि भएको, आर्थिक तथा सामाजिक विकासका सूचाङ्कमा उल्लेख्य परिवर्तन भएको र विज्ञान प्रविधिका क्षेत्रमा विकास भएको फेहरिस्त पनि उहाँले सो अवसरमा प्रस्तुत गर्नुभयो ।
राजदूत युले कम्युनिष्ट पार्टीको काँग्रेसपछि चीनको आगामी कैयौँ दशकको विकासका लागि पनि नापनक्शा निर्माण गर्न सफल भएको जानकारी पनि दिनुभयो ।

+ posts

सम्वन्धित समाचार

पिलो निचोरिएर हाइसञ्चो भयो भन्नेले सदनमा नारा लगाउने ? : माधव नेपाल

काठमाडौँ– पूर्वप्रधानमन्त्री एवं नेकपा एकीकृत समाजवादीका अध्यक्ष माधव कुमार नेपालले सर्वोच्च अदालतमा विचाराधीन विषयमा संसदमा कुरा उठाउन नपाइने भएपनि एमालेका सांसदहरु संसदमा...

एक मुक्काले ढले मेयरसाब

बुटवल । रुपन्देहीको बुटवल उपमहानगरपालिकाका प्रमुख शिवराज सुवेदीलाई स्थानीयले मुक्का प्रहार गरेका छन्। केही दिनअघि लगातारको वर्षाले चुरेबाट पहिरो...

ताजा समाचार

पिलो निचोरिएर हाइसञ्चो भयो भन्नेले सदनमा नारा लगाउने ? : माधव नेपाल

काठमाडौँ– पूर्वप्रधानमन्त्री एवं नेकपा एकीकृत समाजवादीका अध्यक्ष माधव कुमार नेपालले सर्वोच्च अदालतमा विचाराधीन विषयमा संसदमा कुरा उठाउन नपाइने भएपनि एमालेका सांसदहरु संसदमा...

एक मुक्काले ढले मेयरसाब

बुटवल । रुपन्देहीको बुटवल उपमहानगरपालिकाका प्रमुख शिवराज सुवेदीलाई स्थानीयले मुक्का प्रहार गरेका छन्। केही दिनअघि लगातारको वर्षाले चुरेबाट पहिरो...

बगरेले मासु भाग लगाएजस्तै सत्ता गठबन्धनमा मिल्यो मन्त्रालयको भाग

काठमाडौं । बगरेले मासु भाग लगाएजस्तै सत्ता गठबन्धनमा रहेका दलहरुबीच मन्त्रालयको भागबण्डामा कुरा मिलेको छ। नेपाली कांग्रेसका महामन्त्री पूर्णबहादुर...

रकमकै लागि निजी विद्यालय खुलाउने होड, बच्चाको स्वास्थ्य जिम्मेवारी कसको ?

काठमाडौं । विद्यालय खोल्न विद्यालयहरु तम्सिरहेका छन् । तर, अभिभावकहरु भने विद्यालय खोल्न हतारिएको देखिएको छैन । विद्यालयहरु शुल्कको लागि हतारिएको अनुमान...

एक हप्तामा सरकारमा जाने, तर आसेपासेलाई नलाने माधव नेपालको उद्घोष

पोखरा । आफ्नै पार्टी नेकपा एमालेमा असन्तुष्टि जनाउँदै विद्रोह गरी नेकपा एकीकृत समाजवादी पार्टी स्थापना गरेका माधवकुमार नेपालले पोखरा पुगेर सरकारमा सामेल...