प्रादेशिक सरकारको गृहकार्यमा मधेशी दल

काठमाडौं,  ४ पुस । प्रदेश सभा तथा प्रतिनिधि सभाको सम्पूर्ण नतिजा आइ सकेपछि दलहरुले आगामी कार्यनीति तथा सरकार गठनको विषयमा परामर्श सुरु गरेका छन् । चुनाव सम्पन्न भएसँगै मतदातालाई बधाई तथा शुभकामना दिएर राजधानी फर्केका विभिन्न दलका नेताहरु आगामी सरकार तथा प्रदेश सभा गठनको विषयमा आपसी परामर्श थालेका छन् । 

प्रदेश २ मा मधेसवादी दलले प्रदेश सरकार गठनका लागि स्पष्ट बहुमत ल्याएपछि दलका नेताहरु त्यसका लागि आपसमा गृहकार्य सुरु गरेका छन् । महोत्तरी २ बाट प्रतिनिधि सभा सदस्यमा विजयी राष्ट्रिय जनता पार्टी नेपालका संयोजक महन्थ ठाकुर राजधानी फर्किनुभएको छ । काठमाडौंँ फर्केलगतै उहाँले केन्द्र तथा प्रदेशमा गठन हुने सरकारको विषयमा परामर्श सुरु गर्नुभएको हो ।
समानुपातिकको परिणाम सार्वजनिक भएपछि पार्टीबाट समानुपातिक उम्मेदवारको बारेमा पनि उहाँले पार्टीभित्र परामर्श सुरु गर्नुभएको छ । जित पछिको विजय उत्सव मनाउन जिल्लामा रहनुभएका दलका नेताहरुलाई राजधानी फर्किन उहाँले खबर पठाउनुभएको छ ।
राजपा नेपालका प्रवक्ता एवं महासचिव केशव झाले आउँदो शुक्रवार पार्टीको बैठक बस्ने गरी नेताहरुलाई राजधानी आउन संयोजक ठाकुरले खबर पठाउनुभएको जानकारी गराउनुभयो । समानुपातिक सिट बाँटफाँटसँगै हाल देखिएको राष्ट्रिय सभाको विवाद र प्रदेश तथा केन्द्र सरकार गठन लगायतका कार्यसूचीमा छलफल गर्न बैठक बोलाइएको उहाँले जानकारी गराउनुभयो ।
प्रदेश २ मा राजपा नेपाल र फोरम नेपालको संयुक्त सरकार गठन हुने विषयमा पनि पार्टीमा छलफल हुने बताइएको छ । त्यस प्रदेशमा फोरम नेपालले बढी सीट ल्याएको हुनाले सरकार उसैले बनाउने दावी गर्दै आएको छ । सङ्घीय समाजवादी फोरम नेपालका अध्यक्ष उपेन्द्र यादवले प्रदेश २ मा आफ्नो पार्टीले बढी सीट ल्याएको हुनाले आफ्नै पार्टीको नेतृत्वमा सरकार गठन हुने बताउनुभयो ।
यद्यद्यि राजपा नेपालले पनि सरकारको नेतृत्व लिनका लागि दावी गरिरहेको छ । प्रवक्ता झाले भन्नुभयो, फोरम नेपालले सीट बढी ल्याएको हुनाले सोही दलको नेतृत्वमा सरकार गठन हुनु स्वभाविक हो तर संयुक्त सरकार निर्माण हुने भएकाले त्यसमा पनि सहमति बनाउनुपर्छ ।’ सहमतिका आधारमा राजपा नेपालले प्रदेश सरकारको नेतृत्व गर्ने जिम्मेवारी पाए सहर्ष स्वीकार गर्ने उहाँले बताउनु भयो । यी विषयमा पनि अगामी बैठकमा छलफल हुने उहाँले बताउनुभयो ।

+ posts

सम्वन्धित समाचार

इन्दिरा जोशीले रोजिन् मारवाडी केटा

काठमाडौं । गायिका इन्दिरा जोशीले फेसन डिजाइनर शरद केडियासँग इन्गेजमेन्ट गरेकी छन् । बिहीबारदेखि सुरु भएको माउन्ट एभरेस्ट फेसन रनवेमा...

जब ओली र प्रचण्डले एकअर्कालाई विष बमन गर्न थाले

काठमाडौं । प्रमुख प्रतिपक्षी दल एमाले र सत्ता गठबन्धनमा सहभागी माओवादी केन्द्र आगामी निर्वाचनबारे चिन्तित हुन थालेका छन्। आगामी फागुनमा स्थानीय तह...

ताजा समाचार

इन्दिरा जोशीले रोजिन् मारवाडी केटा

काठमाडौं । गायिका इन्दिरा जोशीले फेसन डिजाइनर शरद केडियासँग इन्गेजमेन्ट गरेकी छन् । बिहीबारदेखि सुरु भएको माउन्ट एभरेस्ट फेसन रनवेमा...

जब ओली र प्रचण्डले एकअर्कालाई विष बमन गर्न थाले

काठमाडौं । प्रमुख प्रतिपक्षी दल एमाले र सत्ता गठबन्धनमा सहभागी माओवादी केन्द्र आगामी निर्वाचनबारे चिन्तित हुन थालेका छन्। आगामी फागुनमा स्थानीय तह...

२७ बुँदे स्वास्थ्य मापदण्ड पालना गरी विद्यालय खोल्न पाइने

काठमाडौं। महानगरभित्र विद्यालय सञ्चालन गर्न चाहनेले २७ बुँदे स्वास्थ्य मापदण्ड पालना गर्नुपर्ने भएको छ । महानगरपालिकाले बिहीबार जानकारी गराए...

ईपीएल खेल्न शाहिद अफ्रिदी नेपालमा

काठमाडौं । विश्वचर्चित पाकिस्तान क्रिकेटर शाहिद अफ्रिदी एभरेस्ट प्रिमियर लिग (ईपीएल) खेल्न बिहीबार नेपाल आइपुगेका छन्। त्रिभुवन अन्तर्राष्ट्रिय विमानस्थलमा प्रतिक्रिया दिँदै उनले...

म्याद गुज्रेका खाद्य सामग्री र औषधि बिक्री गरे कारबाही : गृहमन्त्री खाण

काठमाडौं । गृहमन्त्री बालकृष्ण खाणले चाडपर्वका बेला म्याद गुज्रेका खाद्यसामग्री र औषधि बिक्री वितरण गरेको पाइएमा कानुन अनुरुप अगाडि बढ्न बाध्य हुने...