निम्वस समूहको व्यञ्जन खाने तेल गुणस्तरहीन

काठमाडौं, भाद्र ८ । निम्वसद्वारा उत्पादित खानेतेल गुणस्तरहीन रहेको तथ्य फेला परेको छ । वीरगञ्ज महानगरपालिका वडा नम्बर २१ स्थित निम्वस समूहको प्रावायोटिक इण्डष्ट्रिज प्रालिद्वारा उत्पादित सनफ्लावर, भटमास, तोरीको तेल गुणस्तरहीन रहेको उद्योग, वाणिज्य तथा आपूर्ति मन्त्रालय जनाएको छ ।
मन्त्री मात्रिकाप्रसाद यादवले गत साउन २३ गते उक्त उद्योगमा आकस्मिक अनुगमन गरी आशंका लागेपछि तेलको नमुनासमेत संकलन गरेका थिए । उक्त नमुना आवश्यक परीक्षणका लागि नेपाल गुणस्तर तथा नापतौल विभागमा पठाइएको थियो । परीक्षणका क्रममा तीनवटै तेल खान अयोग्य रहेको पाइएपछि उपभोक्ता संरक्षण ऐन २०५४ अनुसार कारबाही प्रक्रिया अघि बढाइएको मन्त्रालयले बिहीबार पत्रकार सम्मेलन गरी जानकारी दिएको छ ।
सन्फवार तेलमा एसिडको मात्रा अधिकतम भेटिएको छ भने सोयाविन तेलमा प्रि–प्याट्टी एसिड र तोरीको तेलमा स्याफोलिफिकेसनको मात्रामा अधिक रहेको नेपाल गुणस्तर तथा नापतौल विभागका महानिर्देशक विश्वबाबु पुडासैनीले जानकारी दिएका छन् । उनका अनुसार सन् फलावर तेलमा एसिडको मात्रा ०।४ प्रतिशत हुनुपर्नेमा ०।६ प्रतिशत रहेको पाइएको छ भने सोयाविन तेलमा प्रि–प्याट्टी एसिडको मात्रमा ०।२५ प्रतिशत रहनुपर्नेमा ०।२८ प्रतिशत र तोरीको तेलमा १६८ देखि १७६ प्रतिशतसम्म स्याफोलिफिकेसनको मात्रमा हुनुपर्नेमा १९३ प्रतिशतसम्म रहेको उनले बताए ।
तर उल्लिखित तेलले जनस्वास्थमा कुन तहसम्मको असर पार्छ भन्ने विषयमा अध्यायन हुन बाँकी रहेको उनले बताएका छन् । उनले बागमती तेल उद्योगबाट प्रशोधित सोयाविन भटमासको तेल र स्वस्तिक ब्राण्डको सूर्यमुखी तेलका साथै अर्को एक उद्योगबाट लिइएको कुखुरी ब्राण्डको तोरीको संकलित नमुना भने परीक्षणका क्रममा रहेको उनले बताएका छन् ।
मन्त्री यादवले निम्वसको समूहअन्तर्गतको प्रोवायोटिक इन्डष्टीमा भएको अनुगमनको प्रसंग सुनाउँदै भने, ‘उद्योगस्थल एकदमै सफा थियो, सुरुमा उद्योगको सरसफाइबाट म पनि प्रभावित भएको थिए तर पनि नमुना परीक्षणका लागि लिने सोच आयो र संकलित नमुना परीक्षणका लागि पठाइएको हो । उत्पादनस्थल सफा देखिए पनि उत्पादन भने खराव देखियो ।’ उनले उत्पादनस्थल सफा हुँदैमा उत्पादन गुणस्तरीय हुन नसक्ने र उत्पादनस्थल फोहोर हुँदै उत्पादन पनि स्वस्थकर हुन नसक्नेतर्फ सचेत रहनुपर्ने बताएका छन् ।
उनले पैसा तिरेर उपभोक्ताहरू विष खान बाध्य रहेको भन्दै यस्तो अवस्थाको अन्त्यका लागि सरकार पर्यात्नशील रहेको बताए । उनले भने, ‘बजारको वेथिति अन्त्यको अभियानलाई विपक्षीले पनि साथ दिनुपर्छ, पत्रकारले पनि साथ दिनुपर्छ किनभने पत्रकारले पनि पैसा तिरेर विष खाइरहेको अवस्था छ । कलमले धेरै प्रभाव पार्न सक्छ, शंका नगर्नु होला, मन्त्री कतै मिल्ने छैन, चोरलाई सहयोग नगर्नु होला । बजारको विकृति र विसंगति न्यूनीकरणका लागि हाल मन्त्रालयले कृषि तथा पशुपक्षी मन्त्रालयसँग मिलेर काम गरिरहेको जानकारी गराउँदै उनले सुधारात्मक अभियानमा सञ्चारमाध्यमको समेत साथ र सहयोग आवश्यक हुने बताए ।
उनले विद्यमान् ऐनमा समस्या रहेका कारण हालको अनुगमन प्रभावकारी नदेखिएको स्वीकार गर्दै प्रस्तावित उपभोक्ता संरक्षण ऐनको कार्यान्वयनमा आएपछि अनुमगन प्रभावकारी हुने दाबीसमेत गरेका छन् । हाल उक्त ऐन संसदमा विचाराधीन अवस्थामा रहेको छ भने आगामी असोज ३ गतेभित्र जारी गरिसक्नुपर्ने बाध्यकारी व्यवस्था छ । उनले कालिमाटी तरकारी तथा फलफूल बजारमा रहेको सिण्डिकेटको पनि अन्त्य गरेर छाड्ने बताएका छन् । गलत गतिविधिका लागि हुलहुज्जत गर्नेहरू विगतमा उम्किएका भए पनि अब भने उम्किन नसक्ने उनको भनाइ थियो ।
उद्योग, वाणिज्य तथा आपूर्ति मन्त्रालयका सचिव चन्द्रकुमार घिमिरेले सरकारले उपभोक्ता अधिकारलाई गम्भीरूपमा लिएको र बजारको सुद्धीकरण आवश्यक रहेकाले नयाँ उपभोक्ता संरक्षण ऐन तर्जुमा गरिएको बताए । बजार सुद्धीकरणका लागि सबैको साथ सहयोग आवश्यक हुने उनको भनाइ थियो ।

+ posts

सम्वन्धित समाचार

सातवर्ष रोकिएको नागेँचा प्याखँ महानगरका मेयरले पुन : सञ्चालनमा ल्याए

काठमाडौं । काठमाडौं महानगरपालिकाका प्रमुख विद्यासुन्दर शाक्यले सदियौंदेखि सञ्चालनमा आईरहेको कुनै पनि परम्परागत जात्रा, पर्व तथा स्थानीय कलालाई कुनै हालतमा पनि रोकिन...

पिलो निचोरिएर हाइसञ्चो भयो भन्नेले सदनमा नारा लगाउने ? : माधव नेपाल

काठमाडौँ– पूर्वप्रधानमन्त्री एवं नेकपा एकीकृत समाजवादीका अध्यक्ष माधव कुमार नेपालले सर्वोच्च अदालतमा विचाराधीन विषयमा संसदमा कुरा उठाउन नपाइने भएपनि एमालेका सांसदहरु संसदमा...

ताजा समाचार

सातवर्ष रोकिएको नागेँचा प्याखँ महानगरका मेयरले पुन : सञ्चालनमा ल्याए

काठमाडौं । काठमाडौं महानगरपालिकाका प्रमुख विद्यासुन्दर शाक्यले सदियौंदेखि सञ्चालनमा आईरहेको कुनै पनि परम्परागत जात्रा, पर्व तथा स्थानीय कलालाई कुनै हालतमा पनि रोकिन...

पिलो निचोरिएर हाइसञ्चो भयो भन्नेले सदनमा नारा लगाउने ? : माधव नेपाल

काठमाडौँ– पूर्वप्रधानमन्त्री एवं नेकपा एकीकृत समाजवादीका अध्यक्ष माधव कुमार नेपालले सर्वोच्च अदालतमा विचाराधीन विषयमा संसदमा कुरा उठाउन नपाइने भएपनि एमालेका सांसदहरु संसदमा...

एक मुक्काले ढले मेयरसाब

बुटवल । रुपन्देहीको बुटवल उपमहानगरपालिकाका प्रमुख शिवराज सुवेदीलाई स्थानीयले मुक्का प्रहार गरेका छन्। केही दिनअघि लगातारको वर्षाले चुरेबाट पहिरो...

बगरेले मासु भाग लगाएजस्तै सत्ता गठबन्धनमा मिल्यो मन्त्रालयको भाग

काठमाडौं । बगरेले मासु भाग लगाएजस्तै सत्ता गठबन्धनमा रहेका दलहरुबीच मन्त्रालयको भागबण्डामा कुरा मिलेको छ। नेपाली कांग्रेसका महामन्त्री पूर्णबहादुर...

रकमकै लागि निजी विद्यालय खुलाउने होड, बच्चाको स्वास्थ्य जिम्मेवारी कसको ?

काठमाडौं । विद्यालय खोल्न विद्यालयहरु तम्सिरहेका छन् । तर, अभिभावकहरु भने विद्यालय खोल्न हतारिएको देखिएको छैन । विद्यालयहरु शुल्कको लागि हतारिएको अनुमान...