कञ्चनपुरका पूर्वएसपी डिल्लीराज विष्ट निलम्बित

काठमाडौं,९ भाद्र ।  बालिका निर्मला पन्त हत्या प्रकरणमा विवादित बनेका जिल्ला प्रहरी कार्यालय कञ्चनपुरका तत्कालीन एसपी डिल्लीराज विष्टलाई गृह मन्त्रालयले निलम्बन गरेको छ ।

गृह मन्त्रालयले हत्या घटनाको छानबिनमा विष्टले गरेको लापरवाहीबारे छानबिन गर्न उनलाई निलम्बन गरेको हो । मन्त्रालयमा शनिवार दिउँसोदेखि बसिरहेको बैठकले उनलाई निलम्बन गरेको छ । दिउँसो विष्टलाई विभागीय कारवाही गर्ने समाचार बाहिरिएका थिए ।

कञ्चनपुरका स्थानीय वासिन्दाले प्रहरी नेतृत्वमा रहेर विष्टले अनुसन्धानमा ढिलाइ गरेको, प्रमाण नष्ट गर्न भूमिका खेलेको लगायत आरोप लगाएका छन् । बलात्कारी र हत्यारालाई पत्ता लगाउन माग गर्दै कञ्चनपुरमा आन्दोलन चर्केर हिंसात्मक भएपछि सरकारले सक्रियता देखाएको छ ।

प्रधानमन्त्री केपी शर्मा ओली र गृहमन्त्री रामबहादुर थापाबीच छलफल भएपछि गृह मन्त्रालयमा प्रहरी अधिकारीलाई निलम्बन गर्ने विषयमा भएको थियो । हत्या घटना भएका बेला जिल्ला प्रहरी कार्यालय कञ्चनपुरको प्रमुखमा एसपी डिल्लीराज विष्ट, डीएसपी ज्ञानबहादुर सेठी रहेका थिए ।

दुवैसहित प्रमुख जिल्ला अधिकारी कुमार खड्कालाई फिर्ता बोलाएको सरकारले आन्दोलन साम्य नभएपछि कारवाही प्रक्रिया अगाडि बढाएको छ । आन्दोलन साम्य नभएपछि कञ्चनपुरमा कर्फ्यू लागिरहेको छ ।

कञ्चनपुरका आन्दोलनकारीले प्रहरी अधिकारीले नै छानबिन कमजोर बनाउने, प्रमाण नष्ट पार्ने र हत्यारा लुकाउन नक्कली अभियुक्त सार्वजनिक गरेको आरोप लगाएका छन् ।

गृह मन्त्रालयले भदौ ७ गते एसपी विष्ट, डीएसपी सेठी र प्रमुख जिल्ला अधिकारी खड्कालाई फिर्ता बोलाउने निर्णय गरेको थियो ।

+ posts

सम्वन्धित समाचार

पिलो निचोरिएर हाइसञ्चो भयो भन्नेले सदनमा नारा लगाउने ? : माधव नेपाल

काठमाडौँ– पूर्वप्रधानमन्त्री एवं नेकपा एकीकृत समाजवादीका अध्यक्ष माधव कुमार नेपालले सर्वोच्च अदालतमा विचाराधीन विषयमा संसदमा कुरा उठाउन नपाइने भएपनि एमालेका सांसदहरु संसदमा...

एक मुक्काले ढले मेयरसाब

बुटवल । रुपन्देहीको बुटवल उपमहानगरपालिकाका प्रमुख शिवराज सुवेदीलाई स्थानीयले मुक्का प्रहार गरेका छन्। केही दिनअघि लगातारको वर्षाले चुरेबाट पहिरो...

ताजा समाचार

पिलो निचोरिएर हाइसञ्चो भयो भन्नेले सदनमा नारा लगाउने ? : माधव नेपाल

काठमाडौँ– पूर्वप्रधानमन्त्री एवं नेकपा एकीकृत समाजवादीका अध्यक्ष माधव कुमार नेपालले सर्वोच्च अदालतमा विचाराधीन विषयमा संसदमा कुरा उठाउन नपाइने भएपनि एमालेका सांसदहरु संसदमा...

एक मुक्काले ढले मेयरसाब

बुटवल । रुपन्देहीको बुटवल उपमहानगरपालिकाका प्रमुख शिवराज सुवेदीलाई स्थानीयले मुक्का प्रहार गरेका छन्। केही दिनअघि लगातारको वर्षाले चुरेबाट पहिरो...

बगरेले मासु भाग लगाएजस्तै सत्ता गठबन्धनमा मिल्यो मन्त्रालयको भाग

काठमाडौं । बगरेले मासु भाग लगाएजस्तै सत्ता गठबन्धनमा रहेका दलहरुबीच मन्त्रालयको भागबण्डामा कुरा मिलेको छ। नेपाली कांग्रेसका महामन्त्री पूर्णबहादुर...

रकमकै लागि निजी विद्यालय खुलाउने होड, बच्चाको स्वास्थ्य जिम्मेवारी कसको ?

काठमाडौं । विद्यालय खोल्न विद्यालयहरु तम्सिरहेका छन् । तर, अभिभावकहरु भने विद्यालय खोल्न हतारिएको देखिएको छैन । विद्यालयहरु शुल्कको लागि हतारिएको अनुमान...

एक हप्तामा सरकारमा जाने, तर आसेपासेलाई नलाने माधव नेपालको उद्घोष

पोखरा । आफ्नै पार्टी नेकपा एमालेमा असन्तुष्टि जनाउँदै विद्रोह गरी नेकपा एकीकृत समाजवादी पार्टी स्थापना गरेका माधवकुमार नेपालले पोखरा पुगेर सरकारमा सामेल...