कोरोनाबाट १२ घण्टामा कहाँ कतिको ज्यान गयो ?

काठमाडौँ । कोरोना संक्रमणबाट पछिल्लो १२ घण्टामा ९ जनाको मृत्यु भएको छ। चितवनमा ४, वीरगन्जमा ३, धरानमा एक र काठमाडौंमा एक जनाको मृत्यु भएको हो। काठमाडौंमा मृत्यु भएका संक्रमित पूर्वन्यायाधीश हुन्।

मुुटु रोगको समस्याबाट समेत ग्रसित पूर्वन्यायाधीश माधवप्रसाद चालिसेको उपचारका क्रममा गंगालाल अस्पताल बाँसबारीमा मृत्यु भएको हो। काठमाडौं निवासी चालिसे तत्कालीन पुनरावेदन अदालत पोखराका मुख्य न्यायाधीशबाट अवकाश भएका हुन्।

यस्तै धरानस्थित बीपी कोइराला स्वास्थ्य विज्ञान प्रतिष्ठानमा सिरहाको मिर्चैया ६ घर भएका एक ६५ वर्षीय पुरुषको कोरोनाकै कारण मृत्यु भएको छ । उनको सोमबारराति पौने ९ बजे ती मृत्यु भएको अस्पतालका प्रवक्ता डा निदेश सापकोटाले जानकारी दिएका छन् ।

त्यस्तै पछिल्लो १२ घण्टामा वीरगन्जमा बाराकी एक महिला, पर्साका एक पुरुष र ठेगाना खुल्न नसकेका एक पुरुषको कोरोनाकै कारण मृत्यु भएको छ । वीरगन्जको कोभिड अस्पताल गण्डकमा उपचाररत बारा जिल्लाको कोल्भीकी ६० वषीया महिलाको मंगलबार बिहान मृत्यु भएको हो ।

वीरगन्ज हरपतगंजका ५३ वर्षिय पुरुषको सोमबार राति मृत्यु भएको छ भने सोमबार राती नै पहिचान खुल्न नसकेका ६० वर्षिय एक पुरुषको मृत्यु भएको नारायणी अस्पतालका प्रवक्ता चिकित्सक डा चितरञ्जन साहले बताए ।

यस्तै चितवनको भरतपुर अस्पतालमा उपचाररत ३ जना र चितवन मेडिकल केलजमा एक जनाको कोरोनाकै कारण मृत्यु भएको छ । भरतपुर अस्पतालमा उपचारत २ महिला र एक पुरुषको सोमबार दिउँसो २ घण्टाको बीचमा मृत्यु भएको थियो ।

भरतपुर महानगरपालिका–११ का ६५ वर्षीय पुरूष, भरतपुर महानगरपालिका–११ की १८ वर्षीया युवती र पूर्वीचितवनको खैरहनी नगरपालिका–१३ की ५५ वर्षीया महिलाको मृत्यु भएको हो । उनीहरुको मृत्युपछि मंगलबार बिहान कोरोनाको रिपोर्ट आएको हो ।

यस्तै चितवन मेडिकल कलेजमा उपचारत हेटौंडा उपमहानगरका–१५ का ५८ वर्षीय पुरूषको आज (मंगलबार) बिहान मृत्यु भएको छ । पछिल्लो १२ घण्टामा यो सँगै नेपालमा कोरोनाबाट ज्यान गुमाउनेको संख्या २ सय ३७ पुगेको छ । सोमबार अपरान्ह नियमित पत्रकार सम्मेलनका क्रममा स्वास्थ्य मन्त्रालयले मृतकको संख्या २ सय २८ पुगेको जनाएको थियो ।

+ posts

सम्वन्धित समाचार

पिलो निचोरिएर हाइसञ्चो भयो भन्नेले सदनमा नारा लगाउने ? : माधव नेपाल

काठमाडौँ– पूर्वप्रधानमन्त्री एवं नेकपा एकीकृत समाजवादीका अध्यक्ष माधव कुमार नेपालले सर्वोच्च अदालतमा विचाराधीन विषयमा संसदमा कुरा उठाउन नपाइने भएपनि एमालेका सांसदहरु संसदमा...

एक मुक्काले ढले मेयरसाब

बुटवल । रुपन्देहीको बुटवल उपमहानगरपालिकाका प्रमुख शिवराज सुवेदीलाई स्थानीयले मुक्का प्रहार गरेका छन्। केही दिनअघि लगातारको वर्षाले चुरेबाट पहिरो...

ताजा समाचार

पिलो निचोरिएर हाइसञ्चो भयो भन्नेले सदनमा नारा लगाउने ? : माधव नेपाल

काठमाडौँ– पूर्वप्रधानमन्त्री एवं नेकपा एकीकृत समाजवादीका अध्यक्ष माधव कुमार नेपालले सर्वोच्च अदालतमा विचाराधीन विषयमा संसदमा कुरा उठाउन नपाइने भएपनि एमालेका सांसदहरु संसदमा...

एक मुक्काले ढले मेयरसाब

बुटवल । रुपन्देहीको बुटवल उपमहानगरपालिकाका प्रमुख शिवराज सुवेदीलाई स्थानीयले मुक्का प्रहार गरेका छन्। केही दिनअघि लगातारको वर्षाले चुरेबाट पहिरो...

बगरेले मासु भाग लगाएजस्तै सत्ता गठबन्धनमा मिल्यो मन्त्रालयको भाग

काठमाडौं । बगरेले मासु भाग लगाएजस्तै सत्ता गठबन्धनमा रहेका दलहरुबीच मन्त्रालयको भागबण्डामा कुरा मिलेको छ। नेपाली कांग्रेसका महामन्त्री पूर्णबहादुर...

रकमकै लागि निजी विद्यालय खुलाउने होड, बच्चाको स्वास्थ्य जिम्मेवारी कसको ?

काठमाडौं । विद्यालय खोल्न विद्यालयहरु तम्सिरहेका छन् । तर, अभिभावकहरु भने विद्यालय खोल्न हतारिएको देखिएको छैन । विद्यालयहरु शुल्कको लागि हतारिएको अनुमान...

एक हप्तामा सरकारमा जाने, तर आसेपासेलाई नलाने माधव नेपालको उद्घोष

पोखरा । आफ्नै पार्टी नेकपा एमालेमा असन्तुष्टि जनाउँदै विद्रोह गरी नेकपा एकीकृत समाजवादी पार्टी स्थापना गरेका माधवकुमार नेपालले पोखरा पुगेर सरकारमा सामेल...