केन्द्रीय समिति थप गरिरहने हो भने नेपाली कांग्रेस नै रहन्न : शेखर कोइराला

काठमाडाैं । नेपाली कांग्रेसका नेता एवं केन्द्रीय सदस्य डा शेखर कोइरालाले चार वर्षदेखि महाधिवेशन गर्न नसक्ने अनि आफ्नो इन्ट्रेस्टका लागि ६ महिना वा १ वर्ष केन्द्रीय समिति थप गर्ने हो भने नेपाली कांग्रेस नै नरहने बताएका छन् । उनले यस्तो कार्यले  सबैमा नैराश्य उत्पन्न हुने पनि उनले बताए । साथै उनले सभापति शेरबहादुर देउवाले पार्टीका अन्य ३ वटा खेमाका थपेर केन्द्रीय समितिको पुनर्गठन गरेमा आफूलाई स्वीकार्य नहुने धारणा प्रकट गरेका छन्। ‘साझा मञ्च, साझा सवाल’ले शनिवार अपराह्न गरेको भर्चुअल कार्यक्रममा नेता कोइरालाले सभापति देउवाले महाधिवेशन सार्न वा टार्नका लागि गर्ने कुनै पनि क्रियाकलापको समर्थन गर्न नसक्ने बताएका हुन्। उनले महाधिवेशन पर सार्ने उद्देश्यले कसैलाई महामन्त्री, सहमहामन्त्री, उपसभापति दिएर भागवण्डा गरे नेपाली कांग्रेस शत प्रतिशत कमजोर हुने चेतावनी दिए। कोइरालाले भने, ‘यसो गरियो भने यो टीके प्रथा हुन्छ। त्यही टीके प्रथाका कारण आज तरुण दल र नेविसंघ कहाँ छन् थाहा छैन। दुवै भ्रातृ संगठन चलायमान छैनन्। नेतृत्वले आफ्ना मानिसलाई सेट गर्न टीके प्रथा लाद्नु हुँदैन। नेतृत्वको चुनाव हुनै पर्छ।’ उनले थपे, ‘चार वर्षअघिदेखि पार्टीको महाधिवेशनको माग भएको हो,

कोइरालाले अब भदौ महिनामा विशेष महाधिवेशन पनि हुन नसक्ने जिकिर गरे। उनले विधानअनुसार विशेष महाधिवेशन गर्न ३ महिनाको समय दिनुपर्ने हुँदा अब त्यो समय पनि टरिसकेको तर्क राखे। कोइराला भन्छन्, ‘संविधानले पार्टीको महाधिवेशन भनेको छैन। राजनीतिक दलको निर्वाचन भनेको छ। त्यसैले आगामी भदौ महिनामा हामीले नयाँ मोडालिटीअनुसार जिल्ला जिल्लामा बुथ राखेर केन्द्रीय समितिको निर्वाचन गर्न सक्छौँ। क्रियाशिलको विवाद टुंगिएका जिल्लामा १४ औँ महाधिवेशनकै क्रियाशिलबाट र नटुंगिएका जिल्लामा १३ औँ महाधिवेशनका क्रियाशिलबाट पालिका, जिल्ला, प्रदेश र क्षेत्रीय प्रतिनिधिको निर्वाचन गर्न सक्छौँ।’

उनले पार्टीको महाधिवेशन गर्न तत्काल नसकिए पनि संवैधानिक व्यवस्थाअनुसारको नेतृत्वको निर्वाचन भने सम्भव भएको चर्चा गरे। उनले कोरोना कहर सकिएपछि र सबैले खोप लगाइसकेपछि विशेष महाधिवेशन बोलाएर पार्टीका नीति र कार्यक्रम पारित गर्नुपर्ने सुझाव दिए। केन्द्रीय सदस्य नेता कोइरालाले नेपाली कांग्रेस ओली नेतृत्वको सरकारमा जान नहुने विचार व्यक्त गरे। उनले अहिले पनि पार्टीका केही नेताहरू ओली नेतृत्वको सरकारमा जान तयार भएको हिसाबले कुरा गरिरहेको उल्लेख गर्दै यही सरकारमा जाने हो भने ओलीले ३ वर्षसम्म गरेका सारा दुष्कर्मको जिम्मेवारी लिनुपर्ने उल्लेख गरे। कोइरालाले प्रधानमन्त्री केपी ओलीलाई अधिनायकवादी र स्वेच्छाचारी बनाउन नेपाली कांग्रेसले नै सहयोग गरेको विचार दोहोर्‍याए।

+ posts

सम्वन्धित समाचार

एमालेमा बाहुबली संगठनको घोषणामा प्रतिस्पर्धा

काठमाडौं । नेकपा एमालेका दुवै पक्षमा पछिल्लो समय बाहुबली संगठनको घोषणामा प्रतिस्पर्धा जस्तै चलेको छ। संस्थापन पक्षले युथफोर्स...

कांग्रेस र कम्युनिष्टबीच भिन्नता छैन : कमल थापा

काठमाडौं। राष्ट्रिय प्रजातन्त्र पार्टीका अध्यक्ष कमल थापाले जनताको रोजाइमा राप्रपा रहनुपर्ने बताएका छन्। काठमाडौंको क्षेत्र नं ५ मा शनिबार आयोजित कार्यक्रममा अध्यक्ष...

ताजा समाचार

एमालेमा बाहुबली संगठनको घोषणामा प्रतिस्पर्धा

काठमाडौं । नेकपा एमालेका दुवै पक्षमा पछिल्लो समय बाहुबली संगठनको घोषणामा प्रतिस्पर्धा जस्तै चलेको छ। संस्थापन पक्षले युथफोर्स...

कांग्रेस र कम्युनिष्टबीच भिन्नता छैन : कमल थापा

काठमाडौं। राष्ट्रिय प्रजातन्त्र पार्टीका अध्यक्ष कमल थापाले जनताको रोजाइमा राप्रपा रहनुपर्ने बताएका छन्। काठमाडौंको क्षेत्र नं ५ मा शनिबार आयोजित कार्यक्रममा अध्यक्ष...

ओली विक्षिप्त भएकाले उनलाई बरबराउन छुट छ : प्रचण्ड

काठमाडौं। नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले एमाले अध्यक्ष केपी शर्मा ओलीलाई कार्यकर्ताले राम्ररी चिनिसकेकाले उनको साथ छोड्न थालेको बताएका छन्।...

तत्काललाई टर्यो कांग्रेसको सबै तहका अधिवेशन

काठमाडौँ । नेपाली कांग्रेसका सबै तहका अधिवेशन स्थगित भएका छन्। प्रधानमन्त्री एवं नेपाली कांग्रेसका सभापति शेरबहादुर देउवाको निवास बुढानलिकण्ठमा शनिबार बसेको पदाधिकारी...

जेठाजुद्वारा बुहारीको हत्या

वीरगञ्ज । खेतमा कमाएर ल्याएको पैसाको विषयमा विवाद हुँदा बाराको महागढीमाई नगरपालिकामा एक महिलाको हत्या भएको छ। महागढीमाई नगरपालिका–७...