प्रमुख अधिकृत पौडेलविरुद्ध पाँच उजुरी

काठमाडौँ । रामेछापको मन्थली नगरपालिकाका प्रमुख प्रशासकीय अधिकृत लीलाराज पौडेल विरुद्ध पाँच उजुरी परेको छ । अख्तियार दुरुपयोग अनुसन्धान आयोगमा ४ र सम्पत्ति शुद्धीकरण अनुसन्धान विभागमा १ गरी ५ वटा उजुरी दर्ता भएको छ।

अधिकृत पौडेलले मन्थली नगरपालिकामा रहेर विभिन्न योजनाका नाममा करोडौँ रुपैयाँ भ्रष्टाचार गरेको आरोपमा अख्तियारमा उजुरी दर्ता भएका छन्। त्यसमध्ये अख्तियारको टंगालस्थित कार्यालयमा तीन र बर्दिबासमा एक उजुरी परेको छ।

प्रमुख प्रशासकीय अधिकृत पौडेल विगत दुई वर्षदेखि मन्थली नगरपालिकामा कार्यरत छन्। उनले नगरपालिकाको प्रमुख प्रशासकीय अधिकृत पदमा बसेदेखि हालसम्म पालिकाभित्र निर्माणाधीन सडक, भवनलगायतका विकास निर्माणमा उपभोक्ता समिति र निर्माण व्यवसायीमार्फत लाखौँ कमिसन लिने गरेको उजुरीकर्ताको आरोप छ।

पौडेलले कार्यालयको गाडी मर्मत र इन्धनमा नक्कली फर्जी बिल बनाई लाखौँ रकम भ्रष्टाचार गर्ने गरेको साथै कार्यालयमा आवश्यक नै नभएका फर्निचर र स्टेसनरी सामग्री बजार मूल्यभन्दा बढीमा खरिद गरेको बिल राखी भुक्तानी गरेर व्यवसायीसँग रकम असुल्ने गरेको दाबीसमेत उजुरीमा गरिएको छ। अतिथि सत्कारको नाममा लाखौँ रकम नियम विपरीत कार्यालयबाट लिई भ्रष्टाचार गरेको आरोप छ।

मन्थली अस्पतालमा आवश्यक उपकरण र औषधि खरिद गर्दा राष्ट्रिय दैनिक पत्रिकामा सूचना नै ननिकाली कोटेसनमा खरिद गरी लाखौँ रुपैयाँ भ्रष्टाचार गरेको, आव ०७८ र ७९ मा पालिकाभित्र रहेका विभिन्न फाँटहरूको रकम रकमान्तर गरी भ्रष्टाचार गरेको भन्दै उजुरीकर्ताले अख्तियारमा उजुरी दर्ता गराएका हुन्।

अधिकृत पौडेलले मन्थली माध्यमिक विद्यालयसँग साँठगाँठ गरी कक्षा १० सम्म अध्ययनरत विद्यार्थीबाट मासिक शुल्क असुल्ने गरेको, विद्यालयको भवन निर्माण गर्दा टेन्डर प्रक्रिया नै नगरी उपभोक्ता समितिमार्फत काम गराएर लाखौँ रुपैयाँ असुल्ने गरेको, आफ्नै कर्मचारीलाई वर्षैपिच्छे कृषि अनुदान रकम दिएर अनियमितता गरी राज्यको ढुकुटीलाई दुरुपयोग गर्दै गैरकानुनी रूपमा अकुत सम्पत्ति कमाएको उजुरीकर्ताको दाबी छ।

आरोपित मन्थली नगरपालिकाका प्रमुख प्रशासकीय अधिकृत पौडेलले भने आफूले कमिसन लिएको र अनियमितता गरेकोबारे अख्तियारले सोधेमा जवाफ दिने बताएका छन्।

अधिकृत पौडेलले आर्थिक अनियमितता गरेको भन्दै परेको उजुरीको विषयमा अख्तियारबाट जिल्ला प्रशासन कार्यालय रामेछापलाई पत्राचार आएको प्रमुख जिल्ला अधिकारी दीपककुमार पहाडीले जानकारी दिएका छन् ।

+ posts

सम्वन्धित समाचार

पेप्सीकोलाबाट सालकको खपेटा सहित दुई पक्राउ

काठमाडौँ । काठमाडौं महानगरपालिका ३२ पेप्सीकोलाबाट २ केजी ५ सय ग्राम सालकको खपेटा सहित दुई जनालाई बिहीबार दिउँसो प्रहरीले पक्राउ गरेको छ...

आत्मघाती बम विस्फोट १९ को मृत्यु, मृत्यु हुनेमा अधिकांश केटीहरु

काठमाडौँ । अफगानिस्तानको राजधानीमा अवस्थित परीक्षा तयारीको खोलिएको एक शिक्षा केन्द्र शुक्रबार भएको आत्मघाती बम आक्रमणमा परी कम्तीमा १९ जनाको मृत्यु भएको...

ताजा समाचार

पेप्सीकोलाबाट सालकको खपेटा सहित दुई पक्राउ

काठमाडौँ । काठमाडौं महानगरपालिका ३२ पेप्सीकोलाबाट २ केजी ५ सय ग्राम सालकको खपेटा सहित दुई जनालाई बिहीबार दिउँसो प्रहरीले पक्राउ गरेको छ...

आत्मघाती बम विस्फोट १९ को मृत्यु, मृत्यु हुनेमा अधिकांश केटीहरु

काठमाडौँ । अफगानिस्तानको राजधानीमा अवस्थित परीक्षा तयारीको खोलिएको एक शिक्षा केन्द्र शुक्रबार भएको आत्मघाती बम आक्रमणमा परी कम्तीमा १९ जनाको मृत्यु भएको...

ऋणको विषयमा विवाद हुँदा श्रीमतीको हत्या

काठमाडौँ । ऋणको विषयमा विवाद हुँदा धनुषामा श्रीमानले श्रीमतीको हत्या गरेको छ । मिथिला विहारी नगरपालिका ५ ललियास्थित असोज ४ गते बाँसघारीमा...

इयुको प्राविधिक टोली नेपाल आउँदै

काठमाडौँ । नेपालको हवाई उड्डयन क्षेत्रबारे अडिट गर्न युरोपेली सङ्घ (इयु) को प्राविधिक टोली नेपाल आउने भएको छ । उक्त टोलीको ‘अडिट’पश्चात्...

बियरको बोतल प्रहार गरी छोराको हत्या

काठमाडौँ । बारबर्दिया नगरपालिका–११ विजयनगरमा बाबुले छोराको हत्या गरेको छ । असोज १२ गते बुधबार लौरंगलालले २० वर्षीय छोरा विवेक चौधरीलाई फुटेको...