एजेन्सी । उत्तर कोरियाले बिहिबार आफ्नो नयाँ एन्टी एयरक्राफ्ट मिसाइल परीक्षण गरेको बताएको छ । उसले एयरक्राफ्ट मिसाइल परीक्षण गरेपछि लोकतान्त्रिक शक्तिहरुलाई तनाव भएको छ ।
एक महिनाभित्र उत्तर कोरियामा हतियारको यो चौथो परीक्षण हो ।
केही दिन अघि उत्तर कोरियाले एउटा नयाँ हाइपरसोनिक मिसाइल लञ्च गरेको थियो । यो मिसाइलमा परमाणु क्षमता भएको मान्यता राखिन्छ ।
परीक्षणको विषयमा अमेरिकी विदेशमन्त्री एन्टनी ब्लिंकनले भने, ‘यी परीक्षणले अस्थिरता र असुरक्षाको विषयमा थप बढी आशंका पैदा हुन्छ ।’ यस्तै उत्तर कोरियाले भने आत्मरक्षाका लागि हतियारको आवश्यकता भएको बताएको छ ।
यस्तै उसले अमेरिका र दक्षिण कोरियामाथि दोहोरो मापदण्ड अपनाएको पनि आरोप लगाएको छ ।
उत्तर कोरियामा भएको हालैका परीक्षणले यो देखाउँछ कि कडा प्रतिबन्धपश्चात् पनि यो देश हतियारको निर्माणमा कमी गर्नका लागि इच्छुक छैन ।
देशको सरकारी समाचार एजेन्सी केसीएनएका अनुसार यो नयाँ एन्टी एयरक्राफ्ट मिसाइलले उत्कृष्ट युद्ध क्षमताको प्रदर्शन गरेको छ
Add Comment