काठमाडौं । एशियाली विकास बैंक (एडिबी)ले नेपाललाई तीस करोड अमेरिकी डलर ऋण प्रदान गर्ने भएको छ ।
एडिबीले अन्तरराष्ट्रिय व्यापार वृद्धिका लागि आवश्यक पर्ने यातायात सम्पर्क सञ्जाल सुधार गर्न उक्त ऋण प्रदान गर्ने लागेको हो। साथै भारत र बङ्गलादेशसँगको व्यापारिक मार्ग सुधारका निम्ति पनि सो ऋण उपलव्ध गराउने निर्णय भएको छ ।
दक्षिण एशियाली उपक्षेत्रीय आर्थिक सहयोग करिडोरको हिस्साको रुपमा पूर्वपश्चिम राजमार्ग नजिक सडक परियोजना सञ्चालन हुने एडिबीका यातायात विशेषज्ञ सिन वाइ चोङले बताएका छन्।
मनिलास्थित बैंकको प्रधानकार्यालयले बुधबार उक्त ऋण स्वीकृत गरेको हो। अब बन्ने अन्तरराष्ट्रियस्तरको उक्त सडकमा ट्राफिक सङ्केत, सडकबत्ती, पैदलमार्ग, प्रकाश प्रणाली, बस बिसौनी, पैदलयात्री क्रसिङलगायत सबै पूर्वाधार हुनेछन्। रासस
Add Comment