काठमाडौं । नेकपा एमालेले प्रचार विभागमा थप एघार जना मनोनीत भएका छन् । शनिबार बसेको सचिवालय बैठकले प्रचार विभागमा थप सदस्यहरु मनोनीत गरेको हो ।
प्रचार विभागका प्रमुखको सिफारिसमा डा। महेन्द्र बिष्ट, गणेश पाण्डे, राजेश राई र लिलाराज भट्टराईलाई सदस्य मनोनीत गरिएको छ । बिष्ट नेपाल पत्रकार महासंघका पूर्वअध्यक्ष हुन् ।
पाण्डे र राई प्रेस चौतारी नेपालका उपाध्यक्ष छन् । भट्टराई पूर्व उपाध्यक्ष हुन् ।
चौतारीका पूर्व नेताहरु अक्षरी पोखरेल, लालबाबु शेख, शेरबहादुर केसी, दीपक ज्ञवाली, रामकृष्ण ज्ञवाली, सूर्यमणि गौतम र हेमन्त पौडेललाई प्रचार विभाग सदस्य मनोनित भएका छन् ।
यसअघि प्रचार विभागमा निर्मला शर्मा, गणेश बस्नेत, उजिर मगर, टीका बिष्ट र रोशन खड्का सदस्य थिए ।
‘राम्रो काम गर्नेहरु छानेर बाँकी सदस्य पनि चाँडै मनोनित गरिन्छ’, प्रचार प्रमुख राजेन्द्र गौतमले भने ।
Add Comment