काठमाडौं। काठमाडौंको केन्द्र विन्दुमा रहेकोखुल्ला मञ्च खुल्ला नै राख्ने योजना अनुरुप आफूले काम गरिरहेको काठमाडौं महानगरपालिकाका प्रमुख विद्यासु्न्दर शाकयले बताएका छन् ।
काठमाडौंको खुल्ला मञ्चको इतिहास भनेको आम नागरिकहरुले आफ्नो मनको वह पोख्ने ठाउँहो । राजनीतिक दल तथा संगठनले सरकारसँग आफ्ना माग राख्ने र जनतालाई सुनोउने ठाउँ पनि भएकाले खुल्लामञ्चलाई पुरानै अवस्थामा अवस्थामा राख्ने मेयर शाक्यको भनाई थियो ।
इकालोपाटीसँगको कुराकानीमा मेयर शाक्यले भने, ‘रत्नपार्कमा जाम गरेर भाषण गर्न नपरोस्, माईतीघर मण्डलामा जाममा परेर जनताले दुख नपाउँन् त्यसका लागि खुल्ला मञ्चलाई नै भाषण गर्न थलोका रुपमा विकास गछौं । अव बन्ने खुल्ला मञ्च सार्वजनिक शौचालयको सुविधासम्पन्न बनाईने छ ।
’ मेयर शाक्यले भनेजस्तै अहिले आम नागरिकलाई दुख दिएर माइती घर मण्डलामा धर्ना दिने, रत्नपार्क सडक खण्डमा जुलुश प्रर्दशन गर्ने काम हुँदै आईरहेको छ । त्यसलाई रोक्न पनि काठमार्डौं महानगरपालिकाले खुल्ला मञ्चमा रहेको अस्थायी वसपार्कलाई हटाएर पुरानै खुल्लामञ्चका रुपमा फर्काउने कार्यको थालनी पनि गरिरहेको छ ।
काठमार्डौं महानगरपालिकाले खुल्ला मञ्चलाई पुरानै स्वरुपमा फर्काउनका लागि रत्पपार्कदेखि टुँडिखेल शहिदगेटसम्मको एकीकृत खुल्ला मञ्च बनाउने योजना बनाईरहेको पनि मेयर शाक्यले इकालोपाटीलाई जानकारी दिए ।
Add Comment