डान्सबार र दोहोरी साँझ अबेरसम्म खोल्न पाइने भएपछि व्यवसायी खुशी

काठमाडौं । जिल्ला प्रशासन कार्यालय काठमाडौंले रात्रीक्लब र दोहोरी साँझहरुको समय निर्धारण गरेको छ । शुक्रबार जिल्ला प्रशासन कार्यालयमा बसेको व्यवसायी र डीसीसीएमसीको बैठकले समय निर्धारण गरेको हो ।

काठमाडौंका प्रमुख जिल्ला अधिकारी कालिप्रसाद पराजुलीका अनुसार दोहोरी साँझ मध्यरात १२ बजे र क्लबहरु राती २ बजेसम्म संचालन हुन पाउने भएका छन् । तर, भीडभाड गर्ने र काभिड प्रोटोकल उल्लंघन गर्न नपाइने सर्त राखिएको छ ।

सहायक प्रमुख जिल्ला अधिकारीको संयोजकत्वमा गठित अनुगमन समितिले दोहोरी साँझ र रात्री क्लबको पनि अनुगमन गर्ने र कोरोना रोकथामको मापदण्ड उल्लंघन गरेको पाइए कार्यविधि अनुसार कार्वाही हुने समेत जनाइएको छ ।