प्रधानमन्त्रीको निर्देशन लत्याउँदै कृषि सचिव !

काठमाडौं, फागुन । कृषि विकास मन्त्रालयका सचिव डा. सुरोज पोखरेलले प्रधानमन्त्री केपी शर्मा ओलीको निर्देशनलाई लत्याउने काम गरेका छन् । सरकारको नेतृत्व लिए लगतै केपी ओली नेतृत्वको नयाँ सरकारले सरकारी रकममा कुनै पनि कर्मचारीहरुलाई विदेश भ्रमण जानबाट रोक्ने निर्णय गरेको छ ।
तर प्रधानमन्त्रीले निर्देशन दिएको दुई दिन पनि वित्न नपाउँदै कृषि विकास मन्त्रालयको आधा दर्जन टोली शनिबार युगाण्डा प्रस्थान गर्दै छ । प्रधानमन्त्री कार्यालयले सो भ्रमण रोक्न निर्देशन दिएको भएपनि सचिव पोखरेले थाहा नपाएको जस्तै गरी कर्मचारी विदेश उडाउने नीति लिएका छन् ।
कृषि विकास मन्त्रालय मातहतमा रहेको कृषि तथा खाद्या सुरक्षा आयोजना मार्फत सो टोली युगाण्डा प्रस्थान गर्न लागेको हो । सरकारले विदेश नजान निर्देशन दिंदा दिंदै पनि विदेश जान लागेको विषयमा प्रश्न गर्दा आयोजना निर्देशक  काञ्चन पाण्डले कृषि खाद्य सुरक्षा आयोजना जस्तै आयोजना युगाण्डामा पनि सञ्चालन हुन लागेकाले आफूहरु सो अवलोकन भ्रमण गर्न जान लागेको बताए ।
मुगु, जुम्ला, डोल्पा, हुम्ला, कालिकोट, रुकुम, रोल्पा, प्यूठान, सल्यान, सुर्खेत, दैलेख , जाजरकोट, बझाङ, बाजुरा, वैतडी, डडेल्धुरा, डोटी, दार्चुला र अछाम कार्यक्षेत्र बनाएर सञ्चालन भएको सो आयोजनाले सो क्षेत्रका जनताका लागि खाद्य सुरक्षाको चर्का कुरा गरे पनि सो क्षेत्रका जनताको आवश्यकता अनुरुप काम गर्न सकेको देखिंदैन । तर त्यही क्षेत्रका पीडित जनताको नाममा आएको रकमबाट युगाण्डा जादैं छन् ।
कृषि तथा खाद्य सुरक्षा आयोजना विश्व वैकको अनुदानमा सञ्चालित आयोजना हो ।  युगाण्डा भ्रमण गरेर आयोजनाको करीव आधा करोड सिध्याउने भएको छ । आधा करोड सिध्याएर युगाण्डा जाने नेतृत्व मन्त्रालयका प्रशासन महाशाखाका सहसचिव काशी राज दाहालले लिएका छन् भने सो टोलीमा  आयोजना निर्देशक, काञ्चन पाण्डे, डा सुृधिर सिंह, गोकर्ण आचार्य, अशोक यादव, राजेन्द्र अधिकारी, सुर्य पौडेल रहेका छन् ।
आयोजना निर्देशकले यस विषयमा अन्य कुरा बताउन नचाहे पनि आठ दिने युगाण्डा भ्रमणका लागि ४२ लाख खर्च छुट्याइएको आयोजना श्रोतले बताएको छ ।

+ posts

सम्वन्धित समाचार

ओली सत्ता जोगाउन संविधानको विरोधी भए : नेपाल

काठमाडौं । नेकपा एमालेका वरिष्ठ नेता माधव कुमार नेपालले पार्टी अध्यक्ष तथा प्रधानमन्त्री केपी शर्मा ओलीले आफ्नो सत्ता जोगाउन संविधानका विरोधी  र...

आँप खान दिने भन्दै बलात्कार गर्ने पक्राउ

जनकपुरधाम । सप्तरीमा आँपको प्रलोभन देखाएर बालिकाको करणी गरेर हत्या गरेको आरोपमा एक युवकलाई प्रहरीले पक्राउ गरेको छ । पक्राउ...

ताजा समाचार

ओली सत्ता जोगाउन संविधानको विरोधी भए : नेपाल

काठमाडौं । नेकपा एमालेका वरिष्ठ नेता माधव कुमार नेपालले पार्टी अध्यक्ष तथा प्रधानमन्त्री केपी शर्मा ओलीले आफ्नो सत्ता जोगाउन संविधानका विरोधी  र...

आँप खान दिने भन्दै बलात्कार गर्ने पक्राउ

जनकपुरधाम । सप्तरीमा आँपको प्रलोभन देखाएर बालिकाको करणी गरेर हत्या गरेको आरोपमा एक युवकलाई प्रहरीले पक्राउ गरेको छ । पक्राउ...

कश्मिरमा सुरक्षाकर्मीको कारबाहीमा तीन जना विद्रोही मारिए

भारत । भारतको काश्मीरमा सुरक्षाकर्मीले विद्रोहीमाथि कारबाही गरेकाे छ । सो कारबाहीमा परी तीन जना विद्रोहीको मृत्यु भएको छ समाचारहरूमा बताइएको छ...

नीतिगत हिसाबले अर्थतन्त्रमा धेरै हदसम्म उपलब्धी हासिल भए : गभर्नर अधिकारी

काठमाडौं । राष्ट्र बैंकका गभर्नर महाप्रसाद अधिकारीले नीतिगत हिसाबले अर्थतन्त्रमा धेरै हदसम्म उपलब्धी हासिल भएको बताएका छन् । साथै उनले साना तथा...

नेपालको विकास मात्र होइन, स्वीस बैंकमा नेपालीको रकम देखेर विश्व चकित

सन् २०२० सम्ममा स्वीस बैंकहरूमा नेपाली नागरिकको नाममा ४६ अर्ब ६४ करोड नेपाली रुपियाँ मौज्दात रहेको बताइएको थियो । बिहीबार स्वीट्जरल्यान्डको राष्ट्रिय...