सार्वजनिक बिदा दुई दिन दिने प्रस्ताव मन्त्रिपरिषदमा पेश गर्ने तयारी

काठमाडौँ । संस्कृति, पर्यटन तथा नागरिक उड्डयन मन्त्रालयले आन्तरिक पर्यटन प्रर्वद्धन गर्न हप्तामा दुई दिन बिदा दिने प्रस्ताव तयार गरी मन्त्रिपरिषदमा पेश गर्ने भएको छ।

मन्त्री योगेश भट्टराईको अध्यक्षतामा आज बसेको उच्चस्तरीय समूहको बैठकले हप्तामा दुई दिन बिदा दिने सम्बन्धमा अध्ययन तथा कार्यदल बनाउने र प्रस्ताव तयार पारेर मन्त्रिपरिषद्मा पेश गर्ने निर्णय गरेको हो।

प्रस्ताव तयार पार्न पर्यटन मन्त्रालयका सहसचिव तथा पर्यटन महाशाखाका प्रमुख प्रदिपकुमार कोइरालाको संयोजकत्वमा पर्यटन विभागका प्रमुख रुद्रसिंह तामाङ र नेपाल पर्यटन बोर्डका प्रमुख कार्यकारी निर्देशक धनन्जय रेग्मी सदस्य रहेको समिति निर्माण गरिएको छ।

जसमा अर्थ मन्त्रालय, गृह मन्त्रालय र सामान्य प्रशासन मन्त्रालयका प्रतिनिधिलाई समेत सामेल गर्ने तयारी छ।

त्यस्तै बैठकले पशुपति मन्दिर, लुम्बिनी संग्राहलय खोल्ने सम्बन्धमा प्रोटोकल तयार गरी ‘कोरोना क्राइसिस म्यानेजमेन्ट सेन्टर’ ९सिसिएमसी० मा पेश गर्ने निर्णय गरेको छ।

भर्खरै