काठमाडौँ । स्याङ्जामा श्रीमानले आफ्नै श्रीमतीलाई कुटपिट गरी हत्या गरेको छ । श्रीमतीको हत्या गरेको आरोप प्रहरीले श्रीमानलाई पक्राउ गरेको छ । पुतली बजार नगरपालिका वडा नम्बर ८ का ४० वर्षीय गोपाल दमईले ४२ बर्षीया श्रीमती मञ्जु दमईको हत्या गरेको आरोपमा प्रहरीले पक्राउ गरेको हो ।
गोपालले आफ्नी श्रीमतीलाई टाउकोमा गहिरो चोट पुर्याउने गरी कुटपिट गरी गम्भीर घाइते बनाएको जानकारी पाए पछि स्थानीयले उद्धार गरी उपचारका लागि अस्पताल पुराएका थिए ।
मञ्जुको उपचारका क्रममा मणि पाल शिक्षण अस्पताल पोखरामा मृत्यु हो । उनको मृत्यु भएको जिल्ला प्रहरी कार्यालय स्याङ्जाका प्रवक्ता प्रहरी नायव उपरीक्षक रवीन्द्र खनालले जानकारी दिएका हुन् । गोपाललाई कर्तव्य ज्यान सम्बन्धी मुद्दा दर्ता गरी अनुसन्धान सुरु भएको प्रवक्ता खनालको भनाई छ ।
Add Comment