प्रधानमन्त्री दाहाल र अध्यक्ष ओलीबीच भेटवार्ता

काठमाडाैँ । प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेकपा (एमाले) अध्यक्ष केपी शर्मा ओलीबीच भेटवार्ता भएको छ । प्रधानमन्त्रीको सरकारी निवास बालुवाटारमा आज भएको सो भेटवार्तामा सरकार विस्तार, सरकारको नीति तथा कार्यक्रमलगायत विषयमा छलफल भएको प्रधानमन्त्रीको सचिवालयले  जनाकारी दिएकाे छ ।
प्रमुख सत्ता साझेदार दलको बिहीबार बसेको बैठकले सरकारको न्यूनतम कार्यक्रम तय गर्न एमाले अध्यक्ष ओलीको संयोजत्कवमा एक कार्यदल गठन गरेको थियो । कार्यदलले पाँच दिनभित्र सरकारको न्यूनतम नीति तथा कार्यक्रम बनाउने तयारी गरेको छ ।twitter sharing button

सात दलको समर्थनमा प्रधानमन्त्री प्रचण्ड नेतृत्वको सरकार गठन भएपछि उहाँहरुबीच निरन्तर छलफल हुँदै आएको छ । हिजो बिहीबार खुमलटारमा उहाँहरुबीच भएको वार्तामा शक्ति बाँडफाँट एवम् सरकार सञ्चालन सम्बन्धमा लामो समय छलफल भएको थियो ।