काठमाडौं । धनगढीका लागि उडेको श्री एयरलाइन्सको जहाज काठमाडौं फर्किएको छ।
श्री एयरलाइन्सको जहाज मंगलबार बिहान ८ : १० मा काठमाडौंबाट धनगढीका लागि उडेको थियो। तर उडेको केही समयपछि जहाजमा समस्या आएको त्रिभुवन अन्तर्राष्ट्रिय विमानस्थलका प्रवक्ता टेकनाथ सिटौलाले जानकारी दिए।
उनका अनुसार जहाजमा प्रेसराइजेसन सिस्टममा समस्या आएको थियो। जहाज साढे ८ बजे काठमाडौंमा सकुशल अवतरण भएको थियो।
यात्रुहरूलाई अर्कै जहाजमा राखेर धनगढी पठाइसकेको उनले जानकारी दिए।
Add Comment