इलिप्स स्कुल घटना : अभिभावकले दिए आत्महत्या दुरुत्साहनको जाहेरी

काठमाडौं । काठमाडौंको नयाँबजारस्थित इटरनल लाइट पब्लिक स्कुल (इलिप्स)का विद्यार्थी मृत भेटिएको घटनामा अभिभावकले मंगलबार प्रहरीमा जाहेरी दिएका छन् ।

१७ जेठमा विद्यालयको छात्रावासमा धादिङ घर भएका ५ कक्षामा पढ्ने एक विद्यार्थी मृत अवस्थामा फेला परेका थिए ।

सो घटनामा विद्यार्थीका अभिभावक र आफन्तले मंगलबार जाहेरी दिएका महानगरीय प्रहरी वृत्त लैनचौरले जानकारी दिएका छन् । अनुसन्धानकै क्रममा रहेकाले अभिभावकले को विरुद्ध जाहेरी दिएको भन्ने प्रहरीले खुलाउन अस्वीकार गरेको छ । ‘पोष्टमार्टम रिपोर्टले ह्याङ्गिङ भनेको छ । आत्महत्या दुरुत्साहनमा जाहेरी आएको छ, अनुसन्धान भइरहेको छ’ लैनचौर प्रहरीका एक अधिकारीले भने । हाल प्रहरीले विद्यालयका प्रिन्सिपल र केही शिक्षकलाई पक्राउ गरेर अनुसन्धान गरिरहेको छ ।