काठमाडौं । काठमाडौंको टोखाबाट १२ जना जुवाडे पक्राउ परेका छन्।
आइतबार राति ९ बजे टोखा मिलन टोलस्थित एक होटलबाट जुवा खेल्ने १२ जनालाई पक्राउ गरेको जिल्ला प्रहरी परिसर काठमाडौंका डिएसपी अनिल अधिकारीले जानकारी दिए।
प्रहरी वृत्त महाराजगन्ज र प्रहरी प्रभाग गोंगबुबाट खटिएको टोलीले उनीहरूलाई राजेन्द्रप्रसाद जोशीले सञ्चालन गरेको सेती गण्डकी गेष्ट हाउसबाट १२ जनालाई पक्राउ गरेको हो।
उनीहरूबाट १० लाख ४४ हजार ५०० नेपाली नगद र २५ सय भारू बरामद गरिएको डिएसपी अधिकारीले जानकारी दिए।
प्रहरीले यसबारे थप अनुसन्धान अघि बढाएको छ।
Add Comment