काठमाडौं। काठमाडौंको गैह्रीगाउँमा मध्यरातमा भएको ४ जनाको हत्यामा संलग्न रहेका व्यक्तिबारे प्रहरीले ‘क्लु’ फेला परेको दाबी गरेको छ ।
घटनास्थल आसपासमा रहेका सीसीटीभी फुटेजका आधारमा प्रहरीले संलग्नको खोजी गरिरहेको छ ।
घटनाको प्राविधिक अनुसन्धानबाट राती ११ बजे अगावै घटना भएको र घटनापछि पैदलै भक्तपुरतिर लागेको देखिएको छ ।
‘घटनास्थल वरपरका सीसीटीभी फुटेजबाट केही तस्बिरहरू प्राप्त भएका छन्। त्यसबारे अनुसन्धान भइरहेको छ’, अनुसन्धानमा खटिएका एक अधिकारीले भने ।
यसअघि घटनास्थलमा लगिएको तालिमप्राप्त कुकुर पनि जडीबुटीसम्म पुगेर अलमलिएको थियो।
घटनाको कारणबारे प्रहरीले अहिलेसम्म केही फेला पार्न सकेको छैन। शुक्रवार राती भएको घटनामा एकै परिवारका ३ सहित ४ जनाको हत्या भएको थियो।
Add Comment