हमासले युद्धविराम सम्झौताको उल्लङ्घन गरेको आरोप लगाउँदै शनिबारका लागि तय गरिएको इजरायली बन्धकहरूको रिहाई स्थगित गरेको छ। इजरायली रक्षामन्त्री इजरायल काट्जले यसलाई सम्झौताको “पूर्ण उल्लङ्घन” भनेका छन् र इजरायली सेनालाई उच्च सतर्कतामा रहन आदेश दिएका छन्।इजरायलले हामासविरुद्ध थप कारबाहीको चेतावनी दिएको छ ।
अमेरिकी राष्ट्रपति डोनाल्ड ट्रम्पले शनिबारसम्म सबै बन्धकहरूलाई रिहा नगरे युद्धविराम रद्द गरिने चेतावनी दिएका छन् । उनले भने, ‘यदि समयमै बन्धक फिर्ता भएन भने सबै बर्बाद हुन्छ ।
हामासका प्रवक्ताले इजरायलले विस्थापित प्यालेस्टिनीहरूलाई गाजाको उत्तर फर्कन नदिएको, गोली चलाएको र सहमति अनुसारको मानवीय सहायता प्रवेश गर्न अवरोध गरेको आरोप लगाएका छन्।
युद्धविराम सुरु भएयता १६ इजरायली र ५ थाई बन्धकहरू रिहा भएका छन्, जसको सट्टामा ५६६ प्यालेस्टिनी कैदीहरूलाई मुक्त गरिएको छ। अब पहिलो चरणको अन्त्यसम्म ३३ बन्धक र १,९०० कैदीको अदलाबदलको योजना छ, तर इजरायलका अनुसार तीमध्ये आठ बन्धकहरू मरेका छन्।
Add Comment