काठमाडाैं । पछिल्लो चौबिस घण्टामा देशभर थप १ हजार ८ सय ५७ जनामा कोरोना भाइरस संक्रमण पुष्टी भएको छ। योसँगै नेपालमा कोरोना भाइरस संक्रमितको कूल संख्या ८ लाख ४० हजार ८०५ पुगेको छ ।
स्वास्थ्य तथा जनसंख्या मन्त्रालयका अनुसार बितेको चौबिस घण्टामा देशभर पिसिआर विधिबाट ९ हजार ४०९ र एन्टिजेन विधिबाट ३ हजार ७६७ जना गरी कूल १३ हजार १७६ जनाको कोरोना परिक्षण गरिएको थियो । परिक्षण गरिएकामध्ये १४.०९ प्रतिशतमा संक्रमण भेटिएको छ ।
यस्तै पछिल्लो चौबिस घण्टामा कोरोना भाइरस संक्रमणका कारण देशभर थप २७ जनाको मृत्यु भएको छ । योसँगै नेपालमा कोरोनाका कारण मृत्यु हुनेको कूल संख्या १० हजार ६९० पुगेको छ । नेपालमा कोरोना संक्रमणबाट मृत्यु हुने दर १.५ प्रतिशत रहेको छ ।
Add Comment