गोंगबु हत्या प्रकरण: सनाखत नभएपछि मृतकको तस्बिर सार्वजनिक

काठमाडौँ । काठमाडौंको गोंगबुमा आइतबार बिहान हत्या गरेर फालिएको शवको पहिचान हुन नसकेपछि प्रहरीले सोमबार मृतकको तस्बिर सार्वजनिक गरेको छ।

अन्दाजी ४०÷४५ वर्षीय पुरुषको शरीर सुटकेसमा, टाउको र खट्टा झोलामा भेटिएको थियो। शव सनाखत हुन नसकेपछि प्रहरीले तस्बिर सार्वजनिक गरेको हो।

घटना अनुसन्धान गरिरहेको महानगरीय अपराध महाशाखाका प्रमुख एसएसपी दीपक थापाले भने, ‘शव पोस्टमार्टम भइसकेको छ। अहिलेसम्म हत्या गरिएका व्यक्तिको पहिचान खुल्न सकेको छैन।’

उनले घटना अनुसन्धानसँगै मृतकको पहिचानका लागि प्रयास भइरहेको बताए।

प्रहरीले शव पहिचान गर्नका लागि हराइरहेका व्यक्तिहरुको विवरण पनि अध्ययन गरिरहेको छ। अहिलेसम्म कुनै आफन्त सम्पर्कमा आइसकेका छैनन्।

‘केही मानिस आएर जानकारी लिएका छन्,’ उनले भने, ‘हामीले मृतकको पहिचानका लागि सार्वजनिक जानकारी गराइरहेका छौं।’
व्यक्तिको पहिचान हुन नसक्दा प्रहरीलाई अनुसन्धानमा पनि समस्या भएको छ।

‘मृतक को हो भन्नेबारे अहिलेसम्म यकिन नहुँदा अनुसन्धान अगाडि बढाउन समस्या देखिएको छ,’ अनुसन्धानमा संलग्न एक अधिकृत भन्छन्, ‘सनाखत भए धेरै कुरा बाहिर आउँथ्यो।’

अपराध महाशाखाले ५ फिट ३ इन्चदेखि ५ फिट ५ इन्चसम्मको उचाइ भएको मंगोलियनजस्तो देखिने गहुँगोरो व्यक्तिका बारेमा आवश्यक जानकारी दिन अनुरोध गरेको छ।

प्रहरीले हत्या प्रकरणको अनुसन्धान सूक्ष्म रुपमा अघि बढाए पनि कुनै सुराक पत्ता लगाउन सकेको छैन।

‘पोस्टमार्टम रिपोर्ट र प्रारम्भिक अनुसन्धान हेर्दा अन्यत्र हत्या गरेर त्यहाँ ल्याएर शव फालेको देखिन्छ,’ एसएसपी थापाले भने, ‘हामी विभिन्न कोणबाट यसको अनुसन्धानमा लागेका छौं। केही न केही बाहिर आउँछ।’

अनुसन्धानमा अपराध महाशाखा, महानगरीय प्रहरी परिसर सहितका प्राविधिक टोली खटिएको छ।

+ posts

सम्वन्धित समाचार

पिलो निचोरिएर हाइसञ्चो भयो भन्नेले सदनमा नारा लगाउने ? : माधव नेपाल

काठमाडौँ– पूर्वप्रधानमन्त्री एवं नेकपा एकीकृत समाजवादीका अध्यक्ष माधव कुमार नेपालले सर्वोच्च अदालतमा विचाराधीन विषयमा संसदमा कुरा उठाउन नपाइने भएपनि एमालेका सांसदहरु संसदमा...

एक मुक्काले ढले मेयरसाब

बुटवल । रुपन्देहीको बुटवल उपमहानगरपालिकाका प्रमुख शिवराज सुवेदीलाई स्थानीयले मुक्का प्रहार गरेका छन्। केही दिनअघि लगातारको वर्षाले चुरेबाट पहिरो...

ताजा समाचार

पिलो निचोरिएर हाइसञ्चो भयो भन्नेले सदनमा नारा लगाउने ? : माधव नेपाल

काठमाडौँ– पूर्वप्रधानमन्त्री एवं नेकपा एकीकृत समाजवादीका अध्यक्ष माधव कुमार नेपालले सर्वोच्च अदालतमा विचाराधीन विषयमा संसदमा कुरा उठाउन नपाइने भएपनि एमालेका सांसदहरु संसदमा...

एक मुक्काले ढले मेयरसाब

बुटवल । रुपन्देहीको बुटवल उपमहानगरपालिकाका प्रमुख शिवराज सुवेदीलाई स्थानीयले मुक्का प्रहार गरेका छन्। केही दिनअघि लगातारको वर्षाले चुरेबाट पहिरो...

बगरेले मासु भाग लगाएजस्तै सत्ता गठबन्धनमा मिल्यो मन्त्रालयको भाग

काठमाडौं । बगरेले मासु भाग लगाएजस्तै सत्ता गठबन्धनमा रहेका दलहरुबीच मन्त्रालयको भागबण्डामा कुरा मिलेको छ। नेपाली कांग्रेसका महामन्त्री पूर्णबहादुर...

रकमकै लागि निजी विद्यालय खुलाउने होड, बच्चाको स्वास्थ्य जिम्मेवारी कसको ?

काठमाडौं । विद्यालय खोल्न विद्यालयहरु तम्सिरहेका छन् । तर, अभिभावकहरु भने विद्यालय खोल्न हतारिएको देखिएको छैन । विद्यालयहरु शुल्कको लागि हतारिएको अनुमान...

एक हप्तामा सरकारमा जाने, तर आसेपासेलाई नलाने माधव नेपालको उद्घोष

पोखरा । आफ्नै पार्टी नेकपा एमालेमा असन्तुष्टि जनाउँदै विद्रोह गरी नेकपा एकीकृत समाजवादी पार्टी स्थापना गरेका माधवकुमार नेपालले पोखरा पुगेर सरकारमा सामेल...