काठमाडौं । निवर्तमान प्रधानमन्त्री तथा नेपाली कांग्रेसका सभापति शेरबहादुर देउवाले बुधबार बालुवाटारस्थित सरकारी निवास छाडेका छन् ।
देउवा बालुवाटारबाट महाराजगञ्जस्थित घले निवासमा सरेका छन्। बुढानिलकण्ठस्थित घर मर्मत जारी रहेकोले देउवा महाराजगञ्जस्थित भाडाको घरमा सरेका हुन्। महाराजगञ्ज भाडाको घरमा सरेका उनका प्रेस प्रमुख गोविन्द परियारले बताएका छन् ।
नेकपा (माओवादी केन्द्र) का अध्यक्ष पुष्पकमल दाहाल प्रचण्डले नयाँ प्रधानमन्त्रीको रुपमा कार्यभार सम्हालेको तीन दिन पछि देउवाले सरकारी निवास छाडेका हुन् ।
पाँचौ पटकसम्म प्रधानमन्त्री बनेका देउवाको बालुवाटारको बसाइ यसपटक १८ महिना रह्यो। २०७८ साउन २९ गते देउवा प्रधानमन्त्री नियुक्त भएका थिए। देउवा बालुवाटारबाट सरेपछि अब प्रचण्ड बालुवाटार सर्ने तयारीमा छन्।
Add Comment