काठमाडौं । काठमाडौंमा हत्या गरेको आरोपमा ७२ वर्षीय वृद्ध पक्राउ परेका छन्।
मकवानपुर हेटौंडा उपमहानगरपालिका घर भई काठमाडौं महानगरपालिका-८ गौशला बनकालीस्थित मानव सेवा कल्याण आश्रममा बस्ने ७२ वर्षीय जगतबहादुर तामाङ पक्राउ परेका हुन्।
प्रहरी वृत गौशलाबाट खटिएको टोलीले उनलाई सोमबार साँझ पक्राउ गरेको हो।
उनले मकवानपुर भिमफेदी गाउँपालिका-४ घर भएका ५० वर्षीय अमरराज पुडासैनीलाई इँटा प्रहार गरी हत्या गरेको आरोपमा पक्राउ गरिएको प्रहरीले जनाएको छ।
यस घटनामा प्रहरीले थप अनुसन्धान गरिरहेको छ।
Add Comment