काठमाडौं । सर्वोच्च अदालतको संवैधानिक इजलासले आज संवैधानिक परिषद्सम्बन्धी र त्यसका आधारमा भएका नियुक्तिविरुद्धको मुद्दामा अन्तरिम आदेश दिन अस्वीकार गरेको छ ।
बुधबार कायममुकायम प्रधानन्यायाधीश दीपककुमार कार्की, न्यायाधीहरु मिरा खड्का, हरिकृष्ण कार्की, विश्वम्भर श्रेष्ठ र ईश्वरप्रसाद खतिवडाको संवैधानिक इजलासमा उक्त मुद्दाको सुनुवाइमा अन्तरिम र कारण देखाउ आदेश जारी छ । नियुक्त भएका ५२ जनै पदाधिकारीका नाममा म्याद जारी गरी सुनुवाइको मौका दिने आदेश भएको छ ।
निवेदकलाई ५२ जनाको वतन खुलाउन भनिने र वतन खुले पछि उहाँहरूको नाममा चाँडै म्याद जारी हुने बताइएको छ ।
तत्कालीन प्रधानमन्त्री केपी शर्मा ओलीको पालामा संवैधानिक परिषद्को सिफारिसमा नियुक्त भएका ५२ जना पदाधिकारीको नियुक्ति खारेजीको माग गर्दै अधिवक्ता डा.गणेश रेग्मीले सर्वोच्चमा रिट निवेदन दर्ता गरेका थिए
Add Comment