काठमाडौं । शुक्रबार रातिदेखिको अविरल बर्षाले दार्चुला सदरमुकाम खलंगाको बंगाबगड क्षेत्रमा क्षति गरेको छ। बंगाबगडको दशरथनगर स्कुलसँगै जोडिएका रोड तल तिरका सबै घर बाढीले बगाएको हो।
बाढीले करिब डेढ दर्जन घरहरू बगाएको छ। कटान अझै जारी रहेकोले बाङगाबगड क्षेत्रमा जोखिम बढेको छ। बाढीले दार्चुला टिकंर सडकमा पर्ने लास्कुखोला माथिको मोटर पुल बगाएको छ।
लास्कु खोलाको बीचमा फसेका एक जना व्यक्तिको सुरक्षाकर्मीले उद्धार गरेका छन्। घटनास्थलमा उद्दार कार्यका लागि नेपाली सेना, नेपाल प्रहरी र सशस्त्र प्रहरीको टोली खटिएको छ।
घटनाबारे विस्तृत विवरण आउन बाँकी रहेको जिल्ला प्रहरी कार्यालय दार्चुलाका निमित्त प्रमुख एवम् प्रहरी निरीक्षक जगत गाहा मगरले जानकारी दिए। अन्नपूर्णपोष्टबाट
Add Comment