रौतहट, माघ । रौतहटको सदरमुकाम भन्दा पूर्वमा रहेको राजदेवी नगरपालिकामा भएको भ्रष्टाचारको पोल खुल्न थालेको छ ।
आर्थिक वर्ष समापनसंगै नगरपालिकाले नयाँ प्रमुख प्रशासकिय अधिकृत पाए पछि गतवर्षमा गरिएको कार्यहरुमा भएको भ्रष्टाचारको पोल खुल्न थालेको हो ।
काम भन्दा बढि प्राविधिक विल निर्माण देखि गुणस्तरहिन सामग्रीहरुको भुक्तानी समेत नगरप्रमुख धिरेन्द्र कुमार सिंहको आदेशमा भएको रहस्य बाहिरीन थालेको छ ।
रौतहट सदरमुकाम गौरमा रहेको एक होटेलमा प्रमुख प्रशासकिय अधिकृत दिलिप सिंह धामी तथा प्राविधिक विल निर्माणकर्ता सब इन्जिनियर सजय पाण्डेय विच भएको सम्वादबाट नगरपालिकामा नगरप्रमुख धिरेन्द्र कुमार सिंह, उप प्रमुख अंशु कुमारी सिंह तथा नगर प्रमुखका पराजित उम्मेदवार अनिल कुमार सिंहको विषेश योजनामा नगरपालिकामा भ्रष्टाचार भएको कुरा सहितको प्रमाण फेला परेको छ ।
जिल्लाको विभिन्न निकायमा निर्माण कम्पनीबाट ख्याती प्राप्त गरेका नगरप्रमुखले गरेको अनियमितता तथा पदियदुरुपयोग बारे उनीहरुको सम्बादबाट प्रष्ट हुन आएको छ ।
नगरप्रमुखले तत्कालिन प्रशासकिय प्रमुख मनोज रजकलाई धम्काई तथा समान्य प्रलोभनमा पारी काम नै नभएको योजनाहरु समेतको भुक्तानी भएको कुरा उनीहरुको सम्बादबाट झल्किन आउछ । नगरपालिकाले जडान गरेको बतिहरुमा भएको अनियमितता, पार्क निर्माणको नाउमा भएको अनियमितता, औषधी खरिदमा भएको अनियमितता, जग्गा खरिदमा भएको अनियमितता तथा खाना, चिया र अन्य शिर्षकमा भएको अनियमितता बारे समेत चर्चा गरिएको छ ।
गतवर्षमा भएको कार्यहरुमा गरिएको भ्रष्टाचारको रकमबाट हामीलाई नजराना नदिएको र आउदा दिनहरुमा पनि आफुहरुबाट जबरदस्ती कार्य योजनाहरु दिलाउने प्रयासमा रहेको र कामै नगरका योजनाहरुको नाममा यस वर्षमा पनि भुक्तानी लिन दबाव बनाइ रहेको कुराकानी समेत गरिएको छ । आफुहरुले आफना जागिरलाई दाउमा राखि सहयोग गर्ने कार्य गरेता पनि आफुहरुको वेस्ता गरेको भनि यस आर्थिक वर्षको रकम काम नै नगरि फ्रिज गराउने समेतको योजना आफुहरुको रहेको उनीहरुको संवादबाट बुझिन आएको छ ।
सदरमुकाम गौरमा भएको सास्कृति कार्यक्रमको नाममा आफुबाट ४ लाखको भुक्तानी गराए पनि नगरप्रमुखले २ लाख मात्र सम्बन्धित व्यक्तिलाई दिएको, यस वर्ष पनि पहिले नै जडान भएको विजुलीबतिको नाममा नया रकम पुनः भुक्तान गराउन खोजिएको समेत बुझिन आएको छ ।
देखावाका लागि नगर प्रमुख धिरेन्द्र सिंह, उप प्रमुख अंशु सिंह र नगरप्रमुखका पराजित उम्मेदवार हाल सदस्य रहेका अनिल कुमार सिंहमा पटक पटक विवाद भए पनि काम तथा रकम बाडफाडमा भन्ने सबै एक नै भएको समेत चर्चा गरिएको छ ।
Add Comment