काठमाडौं । ललिता निवासको सरकारी जग्गा कीर्ते गरेको अभियोगमा पक्राउ परेका १८ जनाको बयान आजबाट शुरू हुँदैछ ।
काठमाडौं जिल्ला अदालतका न्यायाधीश भोलानाथ ढकालको इजलासमा आजबाट बयान शुरू हुने भएको हो ।
काठमाडौं जिल्ला अदालतका सूचना अधिकारी दीपक दाहालका अनुसार अहिले न्यायाधीश ढकालले मिसिल अध्ययन गरिरहेका छन् । मिसिल अध्ययन सकिएपछि केहीबेरमा बयान शुरू हुने दाहालले बताए ।
आइतबार जिल्ला सरकारी वकिल कार्यालयले २८९ जनालाई प्रतिवादी बनाएर जिल्ला अदालतमा मुद्दा दायर गरेको थियो ।
मृत्यु भएका २१ जनालाई पनि वकिल कार्यालयले जग्गा फिर्ता गर्ने प्रयोजनका लागि प्रतिवादी बनाएर मुद्दा दायर गरेको छ ।
जग्गा प्रकरणमा भाटभटेनी सुपरमार्केटका सञ्चालक मीनबहादुर गुरुङसहित १८ जना थुनामा छन् ।
Add Comment