आज मङ्गलबार पनि घट्यो सुनको भाउ, कतिमा हुँदैछ कारोबार ?

काठमाडौं । आज मङ्गलबार सुनको भाउमा थप गिरावट आएको छ । आज सुनको भाउ एक हजार तीन सय रुपैयाँले घट्दा चाँदीको मूल्य पनि ३० रुपैयाँले घटेको छ ।

नेपाल सुनचाँदी व्यवसायी महासंघका अनुसार मङ्गलबार छापावाल सुन प्रति तोला एक लाख ६ हजार ६ सय रुपैयाँमा कारोबार भइरहेको छ । यसैगरी तेजाबी सुन प्रति तोला एक लाख ६ हजार १ सय रुपैयाँमा कारोबार भइरहेको छ । सुनको भाउ अघिल्लो साता मात्रै तीन हजार चार सय रुपैयाँले घटेको थियो । यसैगरी आइतबार पनि सुनको भाउमा प्रतितोला ८ सय रुपैयाँको गिरावट भएको थियो भने सोमबार प्रति तोला एक सयले घटेको थियो ।

यसैगरी आज चाँदी प्रति तोला एक हजार तीन सय १० रुपैयाँमा कारोबार भएको छ । सोमबार चाँदी प्रतितोला एक हजार ३ सय ४० रुपैयाँमा कारोबार भएको थियो ।