काठमाडौँ । भारतमा जारी आईसीसी एकदिवसीय विश्वकप क्रिकेट अन्तर्गत आज इंग्ल्यान्डले अफगानिस्तानको सामना गर्दैछ ।
इंग्ल्यान्ड र अफगानिस्तानबीचको खेल दिल्लीस्थित अरुण जेट्ली स्टेडियममा नेपाली समयअनुसार दिउँसो २ः१५ बजेबाट सुरु हुनेछ ।
विश्वकपअन्तर्गत अफगानिस्तान र इंग्ल्यान्ड दुवैले तेस्रो खेल खेल्दैछन् । इंग्ल्यान्डले अघिल्ला दुईमध्ये एक खेलमा जित हात पार्दा एक खेलमा पराजय भोगेको थियो ।
यता अफगानिस्तानले भने दुवै खेलमा पराजय भोगेको छ । यसअघि शनिबार भएको खेलमा भारतले पाकिस्तानलाई सात विकेटले पराजित गर्दै लगातार तेस्रो जित हात पारेको थियो । पाकिस्तानले दिएको १ सय ९२ रनको लक्ष्य भारतले ३ विकेट गुमाएर ३० ओभर ३ बलमै पूरा गरेको थियो ।
Add Comment