काठमाडौं । त्रिभुवन अन्तर्राष्ट्रिय विमानस्थल काठमाडौंबाट बिहीबार राती दुबई फ्लाइटबाट आएका गोरखा वारपाकका चन्द्र घले करिब १४ किलो सुनसहित पक्राउ परेका छन् ।
विमानस्थलका प्रहरी र भन्सार कार्यालयका कर्मचारीको टोलीले घलेलाई सुनसहित पक्राउ गर्नुभएको हो ।
जहाजबाट अवतरण हुने क्रममा चन्द्रलाइ सुनसहित पक्राउ गरेको नेपाल प्रहरीका प्रवक्ता डिआइजी कुबेर कडायतले जनाएको छ ।
डिआइजी कडायतका अनुसार सुनसहित पक्राउ परेका घलेलाई भन्सार विभागमा थप कारबाहीका लागि बुझाई सकिएको छ ।
शरीरमा सुन लुकाएर ल्याएको अवस्थामा घले पक्राउ परेको प्रहरील जानकारी दिएको छ ।
Add Comment