विप्लवसँग गरिएको वार्ताको परिणाम राम्रो अउँछः बादल

काठमाडौं, १९ फागुन । गृहमन्त्री रामबहादुर थापा ‘बादल’ ले नेत्रविक्रम चन्द विप्लव समूहसँगको वार्तामा धेरै सैद्धान्तिक र प्राविधिक विषय सहमतिनजिक पुगेको बताएका छन् । उनले सामाजिक सञ्जाल फेशबुकमार्फत वार्ताबारे भएको प्रगतिको विषयमा यस्तो धारणा राखेका हुन् । गृहमन्त्री थापा नै सरकारी वार्ता समितिका संयोजक हुन् ।

उनले लेखेका छन्–‘मेरो नेतृत्वमा रहेको नेपाल सरकारको वार्ता टोली र विप्लव नेतृत्वको नेकपाको प्रकाण्डको नेतृत्वमा रहेको वार्ता टोलीबीच आज भएको पहिलो चरणको वार्ता सकारात्मक दिशातर्फ उन्मुख छ । धेरै सैद्धान्तिक र प्राविधिक विषय सहमति नजिक छ, केही विषयमा छलफल जारी छ । छिट्टै सुखद परिणाम आउने अपेक्षा छ ।’