काठमाडौं । नेपालमा कोरोना संक्रमितकाे मृत्यु संख्या उकालाे लाग्न थालेकाे छ । हरेक दिन काेराेना संक्रमितकाे मृत्यु बढ्दै गएकाे छ । एकै दिनमा काेराेनाले मृत्यु हुनेकाे संख्या यसरी बढेकाे पहिलाे पटक हाे ।मन्त्रालयले जारी गरेकाे सूचना अनुसार २४ घण्टामा २२५ जना संक्रमितको मृत्यु भएको तथ्य बाहिरिएकाे छ । याे तथ्यसँगै सर्वसाधारणले स्वास्थ्य मापदण्ड कडाइका साथ पालना गर्नुपर्ने देखिएकाे छ । स्वास्थ्य तथा जनसंख्या मन्त्रालयका अनुसार नेपालमा हालसम्म ४ हजार ८४ जनाको मृत्यु भएको छ। हिजो देशभर १३९ संक्रमितको मृत्यु भएको थियो। २४ घण्टामा देशभर नेपालमा ९ हजार ४८३ जना व्यक्ति कोरोना संक्रमित पुष्टि भएका छन्। मन्त्रालयले संक्रमितको मृत्युको संख्या बढेसँगै स्वास्थ्य मापदण्ड कडाइका साथ पालना गर्न अनुरोधसमेत गरेकाे छ ।
स्वास्थ्य मन्त्रालयका अनुसार देशभरका प्रयोगशालामा २० हजार ५९६ जनाको पीसीआर विधि र ७२० जनाको एन्टीजेन विधिबाट परीक्षण गर्दा ९ हजार ४८३ जना संक्रमित पुष्टि भएका हुन्। नयाँ संक्रमित थप भएसँगै ९७ हजार ८ जना सक्रिय संक्रमित रहेका छन्। ४४८ जना व्यक्ति क्वारेन्टाइनमा छन्। आज देशभर ५ हजार २२५ जना व्यक्ति निको भएका छन्।
Add Comment