काठमाडाैं । काठमाडाैं महानगपालिका कोभिड विरुद्धको खोप भेरोसेलको दोस्रो मात्रा भाेलि ( जेठ २ गते ) देखि लगाउने अभियानमा जुटेकाे छ । यसका लागि सम्पूर्ण तयारी भइसकेकाे पनि महानगरले जनाएकाे छ । काठमाडौँ महानगरपालिकाले सहभागी नगराउने भएको छ । भेरोसेलको पहिलो मात्रा लगाएका र त्यसपछि कोभिडको संक्रमण नभएका व्यक्तिहरुका लागि खाेप दिने तयारी भएकाे हाे । भेरोसेलको दोस्रो मात्रा सञ्चालन गर्न काठमाडौँ महानगरले एक वडा एक खोप केन्द्रसमेत तोकेकाे छ । जसमा ३२ वटै वडामा एक एक खाेप केन्द्र हुनेछन् ।
खोप केन्द्रमा कम्तीमा २ जना खोपकर्ता र एक जना खोपकर्ता बराबर ३ जना स्वयमसेवक परिचालन हुने पनि महानगरले बताएकाे छ ।
बिहान एक सूचना जारी गर्दै महानगरले यस्ताे बताएकाे हाे । खोप अभियानका लागि क्लिनिक इञ्चार्जहरुलाई खोप समन्वयकर्ताका रुपमा जिम्मेवारी तोकिएको छ । सम्बन्धितसँग वडाका जनप्रतिनिधि वा स्वयंसेवकसँग समन्वय गर्दा पनि सजिलै खाेप लिन सकिने महानगरले जनाएकाे छ । खोप केन्द्रमा अनिवार्य रूपमा पहिले खाेप लिएकाे कार्ड लिएर जान महानगरका प्रमुख विद्या सुन्दर शाक्यले अनुराेध गरेका छन् ।
अनावश्यक भिड नहाेस् भनेर महानगरले खाेपकाे सेड्युलसमेत तयार गरेकाे छ । हेराैं सेड्युल
२०७७ चैत २५, २६, २७ र २८ गते पहिलो मात्रा लगाएकालाई जेठ २ गते दाेस्रो खोप दिइनेछ ।
यसै गरी चैत २९ र ३० गते पहिलो खोप लिएकालाई जेठ ३ गते दोस्रो मात्राको खोप दिइनेछ ।
त्यस्तै ०७७ चैत ३१ र ०७८ बैशाख २ गते पहिलो खोप लगाएकालाई जेठ ४ गते दोस्रो मात्राको खोप दिइनेछ ।
बैशाख ३ र ४ गते पहिलो खोप लगाएकालाई जेठ ५ गतेकाे मिति ताेकिएकाे छ ।
बैशाख ५ र ६ गते पहिलो खोप लगाएकालाई जेठ ६ गतेकाे समय छ ।
बैशाख ७, ८, ९ र १० गते पहिलो खोप लगाएकालाई जेठ ७ गते हाजिर हुन भनिएकाे छ ।
बैशाख ११ र १२ गते पहिलो खोप लिएकालाई जेठ ८ गते भेरोसेलको दोस्रो मात्रा खोप दिइनेछ ।
बैशाख १३, १४ र १५ गते पहिलो मात्रा लिएकाहरुलाई क्रमशः जेठको ९, १० र ११ गते दोस्रो खोप दिइनेछ ।
Add Comment