एजेन्सी । उत्तर प्रदेश प्रहरीका अनुसार अलिगढ जिल्लामा विषालु रक्सी पिएका ११ जनाको ज्यान गएको बीबीसीले जनाएकाे छ ।
साे रक्सी बेच्ने पसलेसँग रक्सी बेच्ने लाइसेन्स भए पनि त्यसरी विषालु रक्सी कसरी पसलसम्म् पुग्याे भन्ने विषयमा प्रहरीले अनुसन्धान गरिरहेकाे छ ।
अन्य कुनै कारण नदेखिएको र मृतक सबैले एकै पसमा रक्सी पिएको प्रहरीको प्रारम्भिक अनुसन्धान छ ।
साेही कारण ११ जनाको ज्यान गएको प्रहरीको दाबी छ ।
रक्सीको नमूना जाँचका लागि सम्बद्ध निकायमा पठाइएको पनि प्रहरीले जानकारी दिएकाे बीबीसीमा जनाइएकाे छ ।
घटनामा संलग्न रहेको आरोपमा केही व्यक्तिलाई प्रहरीले पक्राउ गरेको पनि साे खबरमा भनिएकाे छ । साे सम्बन्धममा प्रहरीले थप अनुसन्धान गरिरहेको बताइएकाे छ।
Add Comment