काभ्रे । पूर्व सञ्चारमन्त्री गोकुल बाँस्कोटाको गृहजिल्ला काभ्रे जिल्लाको विकट डाँडापारिका बासिन्दा सामान्य सिटामोल पाउनका लागि पनि दुई घण्टा पैदल हिँड्छन् । तर, बाँस्कोटा भने सरकारको बचाउमा दिनरात सामािजक सञ्जाल टुइटरमा अनेक कुरा गरिरहेका हुन्छन् । जिल्लाकै मानिस बचाउने काम गरेर फाइदा पनि त छैन । चुनावका बेला स्वास्थ्य चाैकीको लालसा दिएर भोट बटुल्न पाइन्छ भने अहिले समस्या समाधान गरिदिनु घातक हुन्छ भन्ने कुरा बाँस्कोटा राम्ररी बुझ्छन् ।
गाउँमा स्वास्थ्य चाैकी र मेडिकल नहुँदा उपचार पाउनबाट पनि उनीहरू वञ्चित हुँदै आएका छन् । नागरिकको जीवनसँग प्रत्यक्ष जोडिएको स्वास्थ्य विकासका अत्यावश्यक पूर्वाधारका रूपमा लिइन्छ । यस क्षेत्रका नागरिक भने अहिले पनि सिटामोल पाउन कै लागि घण्टौँ पैदल हिँडेर स्वास्थ्य चौकी पुग्नुपर्ने बाध्यतामा रहेका छन् । काभ्रेको बेथानचोक गाउँपालिका–१ को सुकुम, झिङ्गे, लामीडाँडा तेर्साबाटा, कलङसिङका बासिन्दा साधारण औषधि सिटामोल पाउनका लागि पनि दुई घण्टा पैदल हिँड्नुपर्ने बाध्यता छ ।
Add Comment