काठमाडौं । नेकपा एकीकृत समाजवादीका सांसद मेटमणि चौधरीले एमालेले संसदमा रोष्टम घेरेकोप्रति आपत्ती जनाएका छन् । उनले ओली आफैले दुई पटक विघटन गरेको संसद अवरुद्ध गर्नेहरूको नैतिकतामाथि प्रश्न उठाएका छन् ।
उनले एमाले अध्यक्ष केपी ओलीका सन्तानले संसदको रोष्टम घेरेको भन्दै अन्य दलका सांसद हटाउन रोष्टम घेरेको आरोप लगाएका छन् ।
बुधबार एमाले सांसदहरूले प्रतिनिधिसभाको बैठक अवरुद्ध गरेपछि फेसबुकमार्फत आलोचना गरेमा हुन् ।
उनले लेखेका छन्, ‘हेर्दाहेर्दै ! प्रदेशमा मुख्यमन्त्री भएका व्यक्तिहरु सांसद हटाउनको लागि सदनमा नाराबाजी गर्ने र संघमा केपीका सन्तानहरू प्रतिनिधिसभामा अरू दलका सांसद हटाउनका लागि रोस्टम घेरिरहेका छन् । हेर्दाहेर्दै ! बालुवाटार हुँदै बालकोट भएर रोष्टम अगाडि पुगेर जुलुस गर्ने ठाँउमा पो पुग्न भ्याएछन् ! यहि पारा हो भने बा भन्ने छोराछोरीहरू आफ्नै घरका सन्तानहरूका राजीनामा माग्न बेर लाउँदैनन् । अबोध सन्तानहरू कम्तिमा भएको बिबेक त प्रयोग गर्नुस् ।’
Add Comment