काठमाडौं । मिटरब्याज पीडित र गृह मन्त्रालयका प्रतिनिधिबीच मंगलबार पुनः वार्ता हुने भएको छ ।
गृहका सह सचिव प्रदीप कोइरालाको नेतृत्वको सरकारी वार्ता टोली र मिटरब्याजविरुद्ध किसान–मजदुर संघर्ष समितिबीच मंगलबार पनि वार्ता हुन लागेको हो ।
दुई दिनसम्म चलेको वार्तामा पनि सहमति हुन नसकेपछि मंगलबार पुनः वार्ता गरेर सहमतिमा पुग्ने प्रयास गरिने पीडित पक्षले जनाएको छ ।
पीडित पक्षले मिटरब्याजसँग सम्बन्धित सम्पूर्ण फर्जी लिखत तमसुक, दृष्टि बन्धक, रजिस्ट्रेसन र चेकलगायत मन्त्रिपरिषद् निर्णयबाट अवैध घोषणा गर्दै पीडितलाई क्षतिपूर्तिको व्यवस्था गर्नुपर्नेलगायत ६ बुँदे माग सरकारी वार्ता टोली समक्ष राखेका छन् ।
पीडित पक्षले वार्तासँगै मंगलबार शान्ति वाटिकामा धर्ना सुरू गर्ने जनाएको छ ।
Add Comment