काठमाडौं । मोरङ जिल्ला सरकारी वकिलको कार्यालय परिसरमा एक जना थुनुवाले आत्महत्याको प्रयास गरेका छन् । जबरजस्ती करणी मुद्दामा पक्राउ परेका एक जना थुनुवाले यस्तो प्रयास गरेका हुन् ।
उर्लाबारी घर भएका ३० वर्षीय केशव नेपालीले सरकारी वकिलको कार्यालयको शौचालयमा हतकडीले नै दिउँसो घाँटी रेटेर आत्महत्याको प्रयास गरेका थिए ।
गम्भीर घाइते भएका नेपालीलाई कोशी अस्पताल लगिएको छ । कोशीमा उपचार सम्भावना नभएपछि उनलाई थप उपचारको लागि नोबेल हस्पिटल लगिएको मोरङ प्रहरीले जनाएको छ । प्रहरीले उनलाई म्याद थप गर्न मोरङ अदालत ल्याएको थियो ।
Add Comment