काठमाडौं । ललितपुरको अन्नपूर्ण प्राकृतिक अस्पतालले इजरालयबाट फर्केका नेपालीलाई एक महिना निःशुल्क मनोवैज्ञानिक परामर्श सेवा दिने भएको छ ।
‘मेन्टल हेल्थ म्याटस्’ भन्ने हेतुका साथ युद्धग्रस्त क्षेत्रबाट फर्किएका नेपालीहरूलाई सहयोग गर्नका लागि अस्तालले एक महिने निःशुल्क प्राकृतिक उपचार तथा मनोपरामर्श दिने भएको हो ।
‘प्रत्यक्ष युद्ध देखेर नेपाल फर्किएका विद्यार्थीको मानसपटलमा त्यसको गहिरो प्रभाव परेको हुन सक्ने भएका कारण उनीहरूका लागि निःशुल्क उपचार सेवा दिन लागिएको अस्पतालका सञ्चालक तथा मेडिकल डाइरेक्टर डा. स्कन्द डाँगीले बताए ।
उनले भने, ‘युद्धबाट फर्किएका उहाँहरूलाई पोस्ट ट्रमाटिक स्ट्रेस भनेर हामीले मनोवैज्ञानिक परामर्श, न्युरो मनोचिकित्सक, पुनर्स्थापना कार्यक्रम, योग, ध्यान, प्राकृतिक उपचार, जडिबुटी फिजियोथेरापीहरू जस्ता सेवा निःशुल्क दिनेछौँ ।’
त्यसका लागि न्युरोसाइक्र्याटिस्ट डा. प्रदीप पाण्डे, प्राकृतिक चिकित्सक तथा योग विशेषज्ञ डा. स्कन्द डाँगी, आयुर्वेद चिकित्सक डा. रमेश पौडेल, योग थेरापिस्ट सविन महर्जन, न्युरो फिजियोथेरापिस्ट डा. वीरेन्द्र खड्काको टिमले सेवा दिने छन् ।
त्यस्तै, अस्पतालले इजरायलबाट फर्केका नेपालीलाई मात्र नभएर उनीहरूका आफन्तलाई पनि निःशुल्क सेवा दिने छ
Add Comment