काठमाडौँ । सुनचाँदी बजारमा आज छापावाल सुनको मूल्य प्रतितोला १ लाख ३०० मा कारोबार भएको छ । अघिल्लो दिनको तुलनामा तोला ९९ हजार ५०० मा कारोबार भएको सुन आज प्रतितोला ८०० ले बढेको छ ।
नेपाल सुनचाँदी व्यवसायी महासङ्घले सार्वजनिक गरेको विवरणअनुसार आज तेजाबी सुनको मूल्य तोला ९९ हजार ८०० मा कारोबार भएको महासङ्घले जानकारी गराएको छ । छापावला सुनको मूल्य शुक्रबार प्रतितोला ९९ हजारमा कारोबार भएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १० ले बढेर १ हजार ३६५ पुगेको महासङ्घले जानकारी दिइएका छन् । अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा महासङ्घले दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस १ हजार ९४७ डलरको आसपास कारोबार भइरहेको बताएका छन् । 
Add Comment