काठमाडौँ । सभामुख अग्निप्रसाद सापकोटाले निर्वाचनका समयमा सही सूचना प्रवाह गर्न नसक्दा मतदाता प्रभावित हुनसक्ने भएकाले सही सूचना सम्प्रेषण गरिनुपर्ने बताएका छन् ।
राष्ट्रिय सूचना आयोगले आज राजधानीमा आयोजना गरेको ‘निर्वाचनका समयमा सही सूचना प्रवाह’सम्बन्धी अन्तक्र्रियाको उद्घाटन गर्दै उनले सत्यतथ्य सूचना सम्प्रेषण गर्ने सञ्चारमाध्यमको दायित्व अझ बढेर गएको बताएका छन् । वैशाख ३० गते हुने स्थानीय तह निर्वाचन देशको महान् उत्सव हो, निर्वाचनमा हामी सबै जवाफदेही र निष्ठापूर्वक इमान्दार भएर लाग्नुपने सभामुख सापकोटाले भनेका छन् । निर्वाचनबिना लोकतन्त्र जीवित हुन नसक्ने भन्दै उनले राष्ट्र र जनताका लागि निर्वाचन अवसरका रुपमा आएको उल्लेख गरेका छन् ।
सूचनाको प्रभाव व्यापक ढङ्गले पर्र्दै आएको विश्वव्यापी उदाहरण दिँदै सही सूचना जनतासमक्ष जति पु¥याउन सकियो त्यति नै जनता बलियो हुने सभामुख सापकोटो बताएका छन् । सभामुख सापकोटाले अझै पनि केही राजनीतिक शक्ति निर्वाचनको प्रक्रियामा सहभागी हुन चाहिरहेको अवस्था देखिएको भन्दै त्यस्ता शक्तिलाई निर्वाचनमा ल्याउन अधिकतम प्रयत्न गर्नुपर्ने धारणा व्यक्त गरेका छन् । सापकोटाले निर्वाचन सबैका लागि भएकाले सरकारले सबै पक्षलाई निर्वाचनको महाअभियानमा समेटेर लैजानुपर्ने बताएका छन् ।
उहाँहरु अलमलमा हुनुहुन्छ, हामी जिम्मेवारीमा छौँ, हामीले कमीकमजोरी गरेका हुन सक्छौँ, त्यतातर्फ सबैले ध्यान दिनुपर्छ”, उनले भने सबैलाई निर्वाचनको प्रवाहमा समेट्नुपर्छ, यसका लागि राजनीतिक दलले निर्णायक भूमिका खेल्नु पर्ने बताएका छन् ।
प्रमुख सूचना आयुक्त महेन्द्रमान गुरुङले भ्रमपूर्ण, मिथ्या, तोडमोड गरिएका सूचना निर्वाचनका समयमा अत्यधिक प्रवाह हुने गरेको भन्दै त्यस्ता अफवाहलाई चिर्न सही र सत्य सूचना समयमै प्रवाह गर्नुपर्ने बताएका छन् । प्रविधिको विकाससँगै सूचना प्रवाहमा सहजता भए पनि यसको दुरुपयोग रोक्नेतर्फ सबै सचेत हुनुपर्ने उनको भनाइ छ ।
भ्रमपूर्ण सूचनाबाट जनता, राजनीतिक दल, सरकारी निकाय चनाखो हुनुपर्ने बताएका छन् । सार्वजनिक निकायले पनि समयमा सही सूचना प्रवाह गर्नुपर्नेमा जोड दिएका छन् । प्रमुख आयुक्त गुरुङले निर्वाचनका समयमा लैङ्गिक, जातीय र भौगोलिक आधारमा हुने गलत सूचना प्रवाह हुनसक्ने र गलत सूचनाका आधारमा हिंसा बढ्नसक्ने भएकाले भ्रामक सूचना नियन्त्रण गर्नेतर्फ सबैको ध्यानाकर्षण गराएका छन् ।
Add Comment