काठमाडौं । नेकपा माओवादी केन्द्रका सांसद देवेन्द्र पौडेलले पशुपतिको जलहरीबारे सत्यतथ्य सार्वजनिक गर्न माग गरेका छन् । प्रतिनिधिसभाको बैठकमा बोल्दै उनले सदनमा धेरै चर्चा भएको विषय भएकाले सत्य के हो रु सार्वजनिक हुनुपर्ने बताए ।
उनले भने, ‘त्यहाँ भएको के हो ? आज पशुपति विकास कोष, सुरक्षा निकाय, सुनचाँदी व्यवसायी संघ, गुणस्तर तथा नापतौल विभाग, पुरातत्व विभाग, खानी तथा भूगर्भविभाग र जनप्रतिनिधिहरूले त्यहाँको सुन खोजेर जोख्दै हुनुहुन्छ भन्ने हामीले सुनेका छौं । कति सुन हराएको हो रु कति सुन बाँकी छ ? के स्थिति हो ? यो कुनै ट्रकमा ल्याएको सामग्री जोख्ने कुरा होइन ।’
सदनमा गम्भीरतापूर्वक उठेको हुँदा यो विषयमा सत्यतथ्य जानकारी गराउनको लागि सम्बन्धित निकायसँग पौडेलको माग थियो ।
Add Comment