काठमाडौं । नेपाली राष्ट्रिय पुरुष क्रिकेट टोलीका मुख्य प्रशिक्षक डेभ वाटमोरले पदबाट राजीनामा दिएका छन् ।
अमेरिका र ओमानसँगको त्रिदेशीय श्रृंखलाका लागि राष्ट्रिय टोली लिएर ओमान पुगेका वाटमोरले इमेलमार्फत राजीनामा पठाएको बुझिएको छ । वाटमोरले राजीनामा दिएको क्यान स्रोतले पुष्टि गर्यो ।
‘इमेल आएको छ, सेप्टेम्बर १९ पछि लागु हुनेगरी वाटमोरले राजीनामा दिएका छन् ,’ स्रोतले भन्यो ।
अस्ट्रेलियन सञ्चारमाध्यमले सामाजिक सञ्जाल ट्वीटरमार्फत वाटमोरले राजीनामा दिएको खुलासा गरेका थिए ।
डेभ वाटमोरले नेपाली राष्ट्रिय क्रिकेट टोलीको मुख्य प्रशिक्षकबाट राजीनामा दिएका छन् । वाटमोरले यसबारे केही नबोले पनि उनको व्यवस्थापन टोलीले फर्स्ट स्पोर्ट्स इभेन्टले भने राजिनामा दिएको बताएको छ ।
Add Comment