काठमाडौँ । काठमाडौँ उपत्यकामा आज मंगलबार ४८१ जना कोरोना संक्रमित थपिएका छन् । पछिल्लो २४ घण्टामा उपत्यकामा विभिन्न प्रयोगशालामा भएको पीसीआर परीक्षणमा काठमाडौंका ३९३ जना, ललितपुरका ५८ जना र भक्तपुरका ३० जनामा संक्रमण पुष्टि भएको हो।
हिजो सोमबार काठमाडौंका १९० जना, ललितपुरका ६७ जना र भक्तपुरका ४१ जना गरी २९८ जनामा संक्रमण पुष्टि भएको थियो।
अस्ति आइतबार काठमाडौंका ३७२ जना, ललितपुरका १२ जना र भक्तपुरका ४५ जना गरी ४२९ जना संक्रमित थपिएका थिए।
काठमाडौं उपत्यकामा संक्रमितको कुल संख्या ६ हजार १८६ पुगेको छ । यीमध्ये काठमाडौंका ४ हजार ८२६, ललितपुरका ७५६ जना र भक्तपुरका ५२५ जना छन्।
Add Comment