काठमाडौं । बडादशैको सातौं दिन प्रत्येक घरघर‚ दशैंघर तथा शक्तिपीठमा फूलपाती भित्र्याउने र तिनका पत्रले देवीहरूलाई स्नान गराउने परम्परा छ। काठमाडौं उपत्यकामा गोरखा जिल्ला जिल्लाबाट ल्याएको फूलपाती हुनमान ढोकामा विशेष विधी एवं टुँडिखेलमा बढाई गर्दै भित्र्याएपछि मात्र त्यही समयमा घर घरमा फूलपाती भित्रयाउने गर्दथे । हनुमानढोका दरबारको दशैँघरमा गोरखा जिल्लाबाट ल्याइएको फूलपाती भित्र्याउने परम्परा छ । गोरखाबाट धादिङ जिल्लाको जीवनपुरसम्म दशैँघरका पूजारीसहित मगर जातिका छ जनाले ल्याउने र धादिङ जिल्लाको जीवनपुरबाट काठमाडौँको जमलसम्म काठमाडौँबाट गएका ब्राह्मण जातिका छ जनाले ल्याउने परम्परा रहिआएको छ ।
तात्कालिन राजा पृथ्वीनारायण शाहले काठमाडौं उपत्यका विजय गरी राजकाज हुनमान ढोकाबाट सञ्चालन गर्न थालेदेखिको गोर्खाबाट फूलपाती हनुमान ढोका भित्र्याउन थालिएको हो । राजाको दरबारमा भित्र्याउने फूलपाती नै हनुमान ढोका ल्याउनु पर्ने भएकाले गोर्खामा राजकाज नभएकाले त्यहाँ भित्र्याउन गरिएको फूलपाती राजा बस्ने ठाउँ भएकाले हनुमान ढोकामा भित्र्याउने प्रचलन रहेको थियो । त्यस अघि भने यो प्रचलन थिएन ।
हनुमान ढोकासम्म फुलपाती पु¥याउनका लागि गोरखाबाट धादिङ जिल्लाको जीवनपुरसम्म दसैँघरका पुजारीसहित मगर जातिका छ जनाले ल्याउने र धादिङ जिल्लाको जीवनपुरबाट काठमाडौँको जमलसम्म काठमाडौँबाट गएका ब्राहृमण जातिका ६ जनाले ल्याउने परम्परा रहिआएको छ ।
जमलमा राखिएको फूलपाती लिनका लागि भने हनुमानढोकाबाट निजामती सेवाका उच्च पदस्थ अधिकारीहरु, गुर्जुका पल्टन, ब्याण्डबाजा, पञ्चेबाजा र सांस्कृतिक नाचगानसहितको लावालस्करका साथमा फूलपाती ल्याउने गरिन्छ । राजतन्त्र रहुञ्जेलसम्म हनुमानढोका दरबारको दशैँघरमा फूलपाती भित्र्याउने क्रममा राज्यप्रमुखका नाताले राजाको पनि उपस्थिति रहने गरेकामा गणतन्त्रको स्थापनापछि भने राष्ट्र प्रमुख वा प्रतिनिधि जाने चलन छ ।
गोरखाका राजाले गरेको फूलपातीको प्रचलनलाई निरन्तरता दिन गोर्खा दरबारमा भित्र्याउने गरिएको फुलपाती उतैबाट ल्याएर हुनमानढोकामा भित्र्याउन प्रचलन अझै पनि रहि रहेको छ । यो धार्मिक वा अन्य प्रचलन वा रीतिरिजाव भन्दा पनि शाह बंशीय राजाहरुका लागि मात्र हो ।
तर अहिले गणतन्त्र आईसकेर राजा मान्दिन भन्नेहरुले नै राजाकै लागि फूलपाती हुनमान ढोका भित्र्याईरहेका छन् । नेपालबाट राजा, राजसंस्था एवं राजतन्त्र नै हटिसकेको भए किन गोरखाको दरबारबाट फूलपाती हनुमान ढोका भित्र्याउनु पर्छ र ?
आश्विन शुक्ल प्रतिपदाका दिनमा वैदिक विधिपूर्वक घटस्थापना गरी जमरा राखेपछि शुरु हुने नेपालीहरुको महान् चाड दशैं अर्थात् दुर्गापूजाको सामाजिक चहलपहल भने आजैका दिनदेखि बढ्ने गर्दछ। आजैका दिनदेखि सरकारी कार्यालय पनि बिदा हुने भएकाले विभिन्न पेशा र व्यवसायमा संलग्न मानिस सपरिवार बसेर दुर्गा भवानीको प्रसादका रूपमा टीका थाप्न आआफ्नो घर फर्कने क्रम अझ तीव्र हुने गर्दछ।
नेपालका ग्रामीण भेगमा आजैका दिनदेखि दोबाटो, चौतारो र चौबाटाहरुमा हालिने लिङ्गे पिङ, जाँते पिङ र रोटे पिङले दशैँको रौनकतालाई अझ बढाउने गर्दछ।
के हो त फूलपाती ?
नव अर्थात् नौ, पत्रिका अर्थात् पत्र। फूलपातीमा नौ प्रकारका वनस्पतिका हुने भएकाले संस्कृतमा यसलाई नवपत्रिका भनिन्छ। केरा, दारिम, धान, हरिद्रा, मानक, कचु, बेल, अशोक र जयन्तीलाई नवपत्रिका भनिन्छ। दशैंघरमा यी नौ वनस्पति भित्र्याई नवदुर्गालाई स्नान गराई प्रत्येक पत्रहरूमा विभिन्न देवीहरूको पूजा गरिन्छ। यी सबै वनस्पति नपाइने ठाउँमा अन्य बोटबिरुवा संलग्न गरी नौवटा पुर्याइन्छ।
केराको बोटमा रम्भाधिष्ठात्रीको रूपमा ब्राह्मी, दारिममा रक्तदन्तिका, धानको बोटमा लक्ष्मी, हरिद्रामा दुर्गा, मानकको बोटमा चामुण्डा र कचुको बोटमा कालिकाको पूजा गरिन्छ। यस्तै, बेलको बोटमा शिवा, अशोकको बोटमा शोकहारिणी र जयन्तीमा कार्तिकीको आवाहन गरी पूजा गर्ने परम्परा रहेको छ।
नेपालका विभिन्न हावापानीमा पाइने वनस्पतिहरू खाद्य पदार्थको साथै औषधि उपचारमा समेत उपयोगी मानिन्छन्। प्राचीन आयुर्वेदिक पद्धतिमा मात्र नभई आधुनिक चिकित्सामा पनि यिनको प्रयोग गरिन्छ। औषधीय गुणले युक्त र जीवनका विभिन्न समयमा आवश्यक परिरहने भएकाले यी वनस्पति फूलपातीमा नवदुर्गालाई चढाउने परम्परा चलेका हो।
बडादशैंअन्तर्गतको यो दिनले फूलपाती दशैंघरमा भित्र्याउने र पूजा गर्ने मात्र नभई यिनको महत्त्व बुझेर संरक्षण संवर्धन गर्न प्रेरणा दिन्छ। साथै, तिनबाट वातावरणीय र औषधीय रूपमा फाइदा लिई स्वाथ्य रक्षा गर्न प्रेरित गर्छ भन्ने मान्यता छ।
Add Comment