काठमाडौं । प्रतिपक्षी दल एमाले, रास्वपा र राप्रपा लगायतले संसद् अवरुद्ध गरेका छन् । अवरुद्ध बैठक सभामुखले एक घण्टाका लागि स्थगित गरेका छन् ।
उनीरूले राष्ट्रपति रामचन्द्र पौडेलले नागरिकता विधेयक प्रमाणीकरणका लागि प्रक्रिया नपुर्याएको भन्दै संसद् बैठक अवरुद्ध गरेका हुन् ।
पूर्वराष्ट्रपति विद्यादेवी भण्डारीले दुवै सदनले दुईपटक पारित गरेर पठाएको उक्त विधेयक रोकेकी थिइन् ।
मन्त्रिपपिरषद् बैठकले नागरिकता विधेयक प्रमाणीकरण गर्न आग्रहसहितको पत्र राष्ट्रपतिलाई जेठ १२ मा लेखेको थियो । जेठ १७ गते राष्ट्रपतिले नागरिकता विधेयक प्रमाणीकरण गरेका थिए ।
त्यस्तै उनीहरूले जन्मकैद सजाय भोगीरहेका पूर्वसांसद तथा टीकापुर घटनाका आरोपित रेशम चौधरीको आममाफीविरुद्ध नाराबाजी गर्दै संसद् बैठक अवरुद्ध गरेका छन् ।
संसद् बैठक तोकिएको समयभन्दा एक घण्टा पछि बसेको थियो । बैठक शुरू भएको २० मिनेटमै प्रतिपक्षी एमाले, रास्वपा र राप्रपा लागयतका दलले नाराबाजी गरेपछि संसद् अवरुद्ध भएको थियो ।
Add Comment