काठमडौँ । रुपन्देहीमा नक्कली सुन बिक्री वितरण गर्ने ठगिको गिरोहलाई प्रहरीले पक्राउ गरेको छ । पक्राउ पर्नेमा रुपन्देहीको गैडहवा गाउँपालिका ९ धुसुवा बस्ने ३७ वर्षिय धनबहादुर सुनार, कञ्चन गाउँपालिका १ हात्तीबजार बस्ने ३७ वर्षिय देवबहादुर मगर रहेका छन् । उनीहरुलाई सैनामैना नगरपालिका १ हात्ती बजारबाट पक्राउ गरिएको प्रहरीले बताएको छ ।
प्रहरीले जेठ ५ गते जिल्ला रुपन्देही सैनामैना नगरपालिका १० शीतलापुरस्थित होटलमा बुटवल उपमहानगरपालिका १७ बस्ने वर्ष ४० की धन सौमैलाई बोलाई आफूहरुसँग रहेको सुनजस्ता देखिने गोल्डेन कलरको धातु दिएर ठगिगरेको अभियोगमा उक्त गिरोहलाई पक्राउ गरी आज सार्वजनिक गरेको हो ।
उनीहरुले पीडित महिलालाई होटलमा बोलाई तपाईको पुरानो बाँकी रहेको पैसा दिन्छौँ भनी विभिन्न प्रलोभनमा पारी झुक्याइ नक्कली सुनका ढिक्का दिएर महिलासँग रहेको सुनको चेन ब्रासलेट समेत लिई फरार रहेका थिए ।
प्रहरीले उनीहरुसँग सुन जस्तो देखिने पहेँलो पदार्थ लगाएको फलामको ढिक्का ९ थान र विभिन्न कम्पनीका मोबाइल सेट चार थान र पीडितको ब्रासलेट गालेर बनाएको करिब १ तोला ७ लाल बराबर तौलको सुनको डल्लासमेत बरामद गरिएको प्रहरीले जानकारी गराएको छ ।
ध्चष्तभ तय च्बवबल च्बव क्जचभकतजब
Add Comment